काठमाडौं । एमएडब्लु वृद्धिले नेपालभर विद्युतिय सवारी (ईभी) को विकासलाई तीव्र बनाउँदै १४० भन्दा बढी सुचारु चार्जिङ स्टेशनहरू सञ्चालनमा ल्याएको छ । बढ्दै गएका ईभी प्रयोगकर्तालाई सहयोग गर्ने र देशभर दिगो यातायातलाई प्रवद्र्धन गर्ने क्रममा यो उपलब्धिलाई उल्लेखनीय मानिएको छ ।
कम्पनीले यसै वर्षको अन्त्यसम्म थप १०० भन्दा बढी सिसिएसटु फास्ट चार्जिङ स्टेशन स्थापना गर्ने लक्ष्य राखेको छ । जसले ईभी धनीहरूका लागि प्रमुख सहर, राजमार्ग र ग्रामीण क्षेत्रमा ईभी यात्रा झन सहज बनाउनेछ । चार्जिङ नेटवर्कले देशका प्रमुख शहरी केन्द्र, क्षेत्रीय शहरहरू र देशका विभिन्न भागहरूलाई जोड्ने मुख्य राजमार्गहरूलाई समेटेको छ, जसले ईभी प्रयोगकर्ताको यात्रा झन्झटमुक्त र निश्चिन्त बनाउँछ ।
चार्जिङ स्टेशनहरूमा धेरै ब्राण्डका ईभीले प्रयोग गर्न मिल्ने फास्ट सिसिएसटु चार्जरहरू छन् । यी स्टेसनहरू पूर्व–पश्चिम राजमार्ग, प्रमुख पर्यटन मार्गहरू र नाका क्षेत्रजस्ता रणनीतिक स्थानमा राखिएका छन्, जसले २४/७ पहुँच र भरपर्दो सेवा सुनिश्चित गर्छन्। सुविधालाई ध्यानमा राखेर प्रत्येक स्टेशनलाई केन्द्रीय नियन्त्रण प्रणालीसँग जोडिएको छ । जसले वास्तविक समयमा निगरानी र ग्राहक सहायता उपलब्ध गराउँछ । ग्राहकले एमएडब्लु स्पीड चार्जर एप प्रयोग गरेर नजिकको चार्जिङ स्टेशन सजिलै पत्ता लगाउन सक्छन् ।
एमएडब्लु वृद्धिको बढ्दो चार्जिङ नेटवर्कले ईभी चालकलाई रेन्ज आत्मविश्वास बढाउँछ र व्यक्तिगत तथा व्यावसायिक प्रयोगकर्ताबीच ईभीको स्वीकार्यता बढाउन सहयोग गर्छ । निरन्तर विस्तार भइरहेको यो पूर्वाधारले नेपालकै सबैभन्दा ठूलो र भरपर्दो ईभी चार्जिङ नेटवर्क निर्माण गर्ने कम्पनीको दीर्घकालिन दृष्टिकोणलाई प्रष्ट पार्दछ ।
एमएडब्लु वृद्धिका मार्केटिङ तथा चार्जिङ पूर्वाधार प्रमुख प्रकाश सुवेदी भन्छन्, “हामी देशभरका पहुँचयोग्य र गुणस्तरीय चार्जिंग स्टेसनहरू मार्फत् नेपालको ईभी विकासमा योगदान दिन पाउँदा गर्व गर्छौं, हाम्रो लक्ष्य भनेको सबैका लागि सहज, स्वच्छ र भरपर्दो इलेक्ट्रिक मोबिलिटी सुनिश्चित गर्नु हो ।”
यो अभियान नेपाल सरकारले अघि सारेको ईभी प्रवद्र्धन लक्ष्य र दिगो यातायात विकास सम्बन्धी योजनासँग निकट छ । भरपर्दो ईभी चार्जिङ पूर्वाधारमा लगानी गरेर एमएडब्लु वृद्धिले इको–फ्रेन्डली मोबिलिटीलाई सशक्त बनाउँदै नेपाललाई ग्रीन र स्मार्ट भविष्यतर्फ अघि बढाइरहेको छ ।
निरन्तर विस्तार र इनोभेसनका साथ एमएडब्लू वृद्धि देशको ईभी भविष्य निर्माण गर्न, प्रगतिलाई डोहोर्याउन र प्रत्येक यात्रामा सुविधा र आत्मविश्वास बढाउन महत्वपूर्ण भूमिका खेल्दैछ ।
Comments are closed.