काठमाडौं । एमक्यूबले बीवाईडीसँगको साझेदारीमा आयोजना गरेको ‘काठमाडौं क्रोनिकल्स’ कार्यक्रम नक्सालस्थित मेरिएट काठमाडौंमा सम्पन्न भएको छ । एमक्यूब नेपालको मौलिक कार्यक्रमका रूपमा मेरिएट काठमाडौंमा सम्पन्न भएको यस पहलले सम्मेलन हल बाहिर गएर नेपालकै जीवन्त सम्पदामाझ सम्बन्ध र साझेदारीको अवधारणालाई विस्तार गर्न सफल भएको छ ।
यो कार्यक्रम मेरिएटको एमआईसिई (Meetings, Incentives, Conferences, and Exhibitions) ग्राहकको लागि विशेष डिजाइन गरिएको थियो । सहरलाई जीवन्त बनाउन सफल यस कार्यक्रममा एमआईसिई उद्योगका सहभागीले नेपालको सम्पदा र एडभेन्चरको अद्वितीय मेलको अनुभव गरेका थिए ।
एमक्यूब नेपालले यस वर्ष परम्परागत बैठकको सीमालाई तोड्दै सहभागीलाई सहरकै बीचमा राखेर कार्यक्रम सञ्चालन गरेको छ । ‘काठमाडौं क्रोनिकल्स’ मूलतः ट्रेजर हन्टको शैलीमा तयार गरिएको थियो, जसले साइटसिइंग गर्ने, स्थानीय संस्कृति बुझ्ने र टिम मिलेर गतिविधिहरू गर्ने अवसर एकसाथ प्रदान गरेको सहभागीले जनाएको छ ।
सहभागीहरू बीवाईडी कारमार्फत नक्सालस्थित मेरिएटबाट प्रस्थान गरी काठमाडौं दरबार स्क्वायर, पाटन दरबार स्क्वायर र स्वयम्भूनाथ लगायतका सम्पदास्थलमा पुगेका थिए । हरेक सम्पदास्थलमा टोलीहरूले रिडलहरू हल गर्ने, कल्चरल च्यालेन्जहरू पूरा गर्ने र शहरको इतिहासका लुकेका कथालाई जीवन्त तरिकाले अनुभव गर्ने अवसर प्राप्त गरेका छन् ।
यस एडभेन्चर सहितको कार्यक्रमको समापन फेयरफिल्ड बाइ मेरिएट काठमाडौंमा भव्य उत्सव र सम्मान समारोहसँगै भएको जनाइएको छ । विजेता टोलीलाई ‘काठमाडौं एक्सपट्र्स’को उपाधि प्रदान गरिएको छ ।
मेरिएट इन्टरनेशनलका उत्तर भारत, नेपाल र भुटानका लागि मार्केट भाइस प्रेसिडेन्ट अरुण कुमारले काठमाडौं क्रोनिकल्सले यस शहरको सम्पदा र संस्कृतिलाई सामान्य बैठकभन्दा पनि बेग्लै अनुभवका रूपमा उत्कृष्ट ढंगले प्रस्तुत गरेको बताए । एमक्यूब, बीवाईडी र मेरिएटबीचको यस सहकार्यले इनोभेसन, हस्पिटालिटी र सम्पदालाई एउटै अनुभवमा जोड्न सफल भएको छ ।
‘काठमाडौं क्रोनिकल्स’ले एमक्यूब नेपाल २०२५ लाई नयाँ स्तरमा पुर्याउँदै एमआईसिई उद्योगले कसरी संस्कृति, दिगोपन र एडभेन्चर एकसाथ प्रस्तुत गर्न सक्छ भन्ने उदाहरण प्रस्तुत गरेको छ ।
Comments are closed.