नाडा अटो शो २०२५: चारपांग्रे रोबोट र हवाई मोबिलिटी प्रदर्शन हुने

काठमाडौं । नाडा अटोमोबाइल्स एशोसिएसन अफ नेपालले आयोजना गर्ने ‘नाडा अटो शो, २०२५’ को तयारी तीव्र पारिएको छ । यही आउँदो भदौ ३ देखि ८ गतेसम्म काठमाडौंको भृकुटीमण्डप प्रदर्शनीस्थलमा आयोजना हुने अटो शो को उद्घाटन उपप्रधानमन्त्री एवं अर्थमन्त्री विष्णुप्रसाद पौडेलले गर्ने कार्यक्रम तय भएको छ ।

नाडा अटोमोबाइल्स अफ एसोसिएसन नेपाल (नाडा) अध्यक्ष करण चौधरीले  मंगलबार आयोजित पत्रकार सम्मेलनमा बोल्दै  ,‘ नाडा अटो शो २०२५ प्रविधि, संस्कृति र अटोमोबाइलको नवीन संयोजन हुनेछ ।, नाडा प्रदर्शनी मात्र होइन, अटो व्यवसायीहरुको चाड हो । हामीले हेरक वर्ष निकै हर्षउल्लासका साथ मनाउने गरेका छौं’, उनले भने, ‘यो पालिकाको नाडा अटो शो के हो धेरैको प्रश्न मैले सुन्दै आएको छु । यसालिकाको शो नाडाले चाडको साथमा दुरदर्शी सोचलाई आत्मसाथ गर्ने क्षण हो । गत वर्ष पनि मैले नाडाबाट अटो मोबाइल क्षेत्रको वजन देखाउन चाहान्छु भनेको थिए । अटो शोबाट मोबिलिटी, भविष्य र प्रविधि केहो भनेर आभाष दिलाउन चाहान्छु । यसपालिको अटो शो वास्तविक फिल गराउन चाहान्छु ।’

यो अटो शो प्रदर्शनी मात्र नभई नेपालको दिगो, स्मार्ट र भविष्यमुखी मोबिलिटीको प्रतिबिम्ब हो । ‘Go For More’ नारासहित आयोजना हुने यस वर्षको शोले नवीनतम प्रविधि, ग्राहक संलग्रता र अटो क्षेत्रको सम्पूर्ण पारिस्थितिकी यन्त्रसलाई एउटै छानामुनि ल्याउने अपेक्षा गरिएको छ ।

स्वचालन र बुद्धिमत्ताको नाँ पुगको प्रतीक स्वरूप चारपांग्रे रोबोटहरू, भविष्यको शहरी हवाई मोबिलिटीको पहिलो झलक जस्ता विशेष प्रविधीहरु प्रस्तुत गरिनेछ । साथै १९ वटा चारपांग्रे ब्राण्डहरू, १३ वटा हल्का व्यावसायिक सवारी साधन ब्राण्ड, ४ वटा दुईपांग्रे सवारी ब्राण्ड, ३५ कम्पनी (ल्युब्रिकेन्ट, टापर ब्याट्री, ग्यारेज उपकरण र वित्तीय संस्थाहरु), १२५ भन्दा बढी प्रदर्शक, १ लाखभन्दा बढी आगन्तुकको अपेक्षा गरिएको आयोजकले जनाएको छ । यो अटो शो नै अहिलेसम्मकै सबैभन्दा ठूलो अटो शो हुनेछ ।

साझेदार संस्थाहरुमा Title SponsorM UNITREE MAW Vriddh, Co–Sponsor: Shikhar Insurance Company Ltd, Powered By : Campa Cola, Mobility Partner: Yango, Exclusive Ticketing Partner: Khalti by IME (भदौ २ गतेसम्म अग्रिम टिकटमा २० प्रतिशत क्यासब्याक) , Official Internet Partner : WorldLink, Surveillance Partner: CCTV Nepal, Fire Safety Partner: Himalayan Safety Solutions Pvt. Ltd, Hospital Partner: Kist Hospital, Hospitality Partner: The Plaza, Door Prize: Nepal Lube Oil Limited (provide free lubricants in every service for one ye Winners), Event Managed byM Global Exposition & Management Services Pvt. Ltd रहेका छन् ।

चारपांग्रे, दुईपांग्रे, व्यावसायिक सवारी, अटो पाट्र्स, वित्तीय सेवाका लागि सुविधाजनक जोन विभाजन, खल्ती एपमार्फत अग्रिम खरिद गर्न सकिने, मिडिया डेस्क, महानगरीय ट्राफिक प्रहरी साझेदारीमा ट्राफिक सूचना डेस्क, आपतकालीन स्वास्थ्य टोली सुरक्षा निगरानी, आगो नियन्त्रण व्यवस्था मिलाइने नाडा अटोमोवाईल्स एशोसिएसन अफ नेपालका अध्यक्ष करण चौधरीले जानकारी दिए ।

प्रमुख आकर्षणमा विन्टेज मोटर शो ऐतिहासिक सवारी साधनको प्रदर्शन हुनेछ । जसमा Marris Minor, Flat, Peugeot, Beetle, Mini Cooper, Toyota RT, Mercedes Benz, Toyota RT40, VW Bus, Toyota Corolla, Mazda Familia, Toyota MRZ रहेका छन् ।

साथै स्वदेशमै निर्माण भएका सवारी तथा पाट्र्सको प्रदर्शनी, अन्तर्राष्ट्रिय लगानी र सहकार्य प्रवद्र्धन गर्ने थलो, सेमिनार, कार्यशाला, अन्तर्क्रिया ईभी स्मार्ट मोबिलिटी र दिगोपनमा केन्द्रित, दैनिक भाग्यशाली विजेता घोषणा १ वर्षसम्म निःशुल्क ल्यूब्रिकेन्ट सेवा रहेको जनाइएको छ ।