काठमाडौं । नेपालमा विभिन्न मेला महोत्सव तथा प्रदर्शनीहरु हुन्छन् । भृकुटीमण्डपमा अधिकांश समय कुनै न कुनै इभेन्ट्स तथा प्रदर्शनीहरु भइरहेको हुन्छ । त्यहाँ हुने थोरै प्रदर्शनी मात्रै धेरै चर्चामा आउने गर्दछ ।
नेपालमा हुने विभिन्न प्रदर्शनी मध्ये नाडाले आयोजना गर्ने अटो शो सर्वाधिक चर्चित शो हो भन्दा फरक पर्दैन । यस पटक अटो शोको १७औं संस्करण भदौ ३ देखि ८ सम्म भृकुटीमण्डपमा हुँदैछ । अटो शो बिगतमा भन्दा अझ आकर्षक र पृथक हुने नाडाले दावी गरिसकेको छ ।
भदौमा हुने अटो शोका लागि नाडाले अग्रिम टिकट बुकिङ खुल्ला गरिसकेको छ । खल्ती बाइ आईएमई मोबाइल वालेटबाट टिकट बुकिङ गर्न सकिने नाडाले जनाएको छ । अग्रिम टिकट बुकिङ गर्ने दर्शकले २० प्रतिशत छुट प्राप्त गर्नेछन् ।
अटो शोमा झण्डै सय वटा अटो ब्राण्डहरु प्रदर्शनीमा राखिने नाडाले जनाएको छ ।
Comments are closed.