ललितपुर । नेपाल अटोमोवाइल्स एसोसिएसनको दशौँ वार्षिक साधारण सभा हिजो ललितपुरमा सम्पन्न भएको छ । साधारण सभामा केन्द्रीय संघ, प्रदेश संघ, कमिसन तथा क्लव समेतका गरी ४४ जनाको सहभागीता रहेको थियो ।
सभामा गत बर्षको प्रगति प्रतिवेदन, लेखा परिक्षण प्रतिवेदन, अगामी कार्ययोजना तथा समसामयिक प्रस्ताव गरी ४ वटा प्रतिवदेन प्रस्तुत भएको छ । जसलाई सामान्य छलफल पश्चात पारित गरिएको छ । त्यसैगरी आगामी वर्षको लागी अडिटर नियुक्ति, कार्यसमिति तथा कमिसनमा केही जिम्मेवारी हेरफेर, विशेष कार्यक्रमको घोषणा लगायतको कार्यसमेत साधारण सभाले पारित गरेको छ ।
अध्यक्ष दशरथ रिसालको अध्यक्षतामा सम्पन्न साधारण सभामा कार्यकारी निर्देशक गोविन्द भट्टराई, उपाध्यक्ष अनिलकुमार बराल, सचिव महेश अधिकारी, कोषध्यक्ष धान्यमणी नेपाल, इन्जिनियर गणशखर श्रेष्ठले विभिन्न प्रस्ताव तथा प्रस्तुति गरेका हुन् । संघमा आबद्ध प्रदेश संघ, क्लव तथा एसोसिएट मध्येबाट गत आर्थिक वर्षमा सर्वाधिक सक्रिय वागमती अटोमोवाइल एसोसिएसन (प्रदेश संघ वागमती) लाई एक्टिभ अवार्ड प्रदान गरिएको छ ।
सभामा १८ जनालाई विशिष्ट योगदान दिएबापत प्रशंसापत्र प्रदान गर्ने निर्णय भएको छ । हिमालयन मोटरल्याण्डको स्थानान्तरण, गोरिटारको प्रस्तावित रेसिङ्ग सर्किट र ई– स्पोर्टस, तथा पावरवोटिङमा जोड दिने जस्ता निर्णय समेत भएको छ । १८ बुँदे क्यालेण्डर, १० बुँदे सार्वजानिक प्रतिवद्धता जारी गरी सकिएको सभाले संघको इभेन्टको लागी प्रदेश संघ, क्लव र कमिसनलाई सबै जिम्मेवारी समेत दिएको छ ।
Comments are closed.