काठमाडौं । धितोपत्र बजारमा शेयर कारोबार मापक नेप्से परिसूचक मंगलबार पनि दोहोरो अंकले बढेको छ । नेपाल स्टक एक्सचेञ्जका अनुसार कारोबार मापक नेप्से परिसूचक २३.७६ अंकले बढेर २ हजार ८४३.६२ मा पुगेको छ ।
यस्तै, ठूला कम्पनीको शेयर कारोबार मापन गर्ने सेन्सेटिभ परिसूचक २.८४ अंकले बढेर ५३१.४२ मा पुगेको छ । कूल २ सय ३० कम्पनीको ९९ लाख ७७ हजार ४ सय ८३ कित्ता शेयर ६ अर्ब ७ करोड ३७ लाख १६ हजार ८ सय ८८ रुपैयाँ मूल्यमा खरिद बिक्री भए । आजको कारोबारपछि बजार पूँजीकरण ३९ खर्ब ९८ अर्ब ७२ करोड ९४ लाख ५० हजार रुपैयाँको हाराहारीमा पुगेको छ ।
कारोबार भएका १३ उपसमूहमध्ये तीन उपसमूहको शेयर ओरालो लागेको छ भने १० उपसमूहको शेयर उकालो लागेको छ । बैंकिङ ०.२३, व्यापार ६९ र लगानी ०.१५ अंकले घटेको छ । होटल तथा पर्यटन ४१.७३, विकास बैंक १९१.३३, जलविद्युत् ४८.१५, वित्त ४८.१२, निर्जीवन बीमा १६४.९९, उत्पादन २९.१७, अन्य ७२.०५, लघुवित्त ०.७९, जीवन बीमा १६०.८१ र सामूहिक लगानी कोष ०.०२ अङ्कले बढेको छ ।
कारोबारका आधारमा महालक्ष्मी विकास बैंक शीर्ष स्थानमा रहेको छ । सो बैंकको ४६ करोड ९७ लाख २३ हजार ४ सय १५ रुपैयाँ बराबरको कारोबार भयो । यस्तै, कामना सेवा विकास बैंक २२ करोड १६ लाख ८० हजार ९ सय ९६ रुपैयाँ, नेपाल पुनरबीमा कम्पनी २१ करोड ३४ लाख ८ हजार ४ सय ६, नबिल बैंक २१ करोड १७ लाख ८६ हजार ५ सय ४० रुपैयाँ र लुम्बिनी विकास बैंक २० करोड ७४ लाख ६९ हजार ८ सय २४ रुपैयाँ बराबरको कारोबार भई शीर्ष स्थानमा रहे ।
नेप्सेका अनुसार साहस ऊर्जा ९.९९, गुडविल फाइनान्स ९.१६, नेपाल पुनरबीमा कम्पनी ८.६८, कालिका पावर कम्पनी ८.२८ र रिडी हाइड्रोपावरका लगानीकर्ताले ८.२५ प्रतिशतले कमाए । त्यस्तै, विशाल बजार कम्पनी २.९५, नेपाल बङ्गलादेश बैंक २.७५, आरएमडिसी लघुवित्त २.६६, सामुदायिक लघुवित्त २.४२ र इन्फिनिटी लघुवित्तका लगानीकर्ताले २१३ प्रतिशतले गुमाए ।
Comments are closed.