काठमाडौं । धितोपत्र बजारमा शेयर कारोबार मापक नेप्से परिसूचक आइतबार झिनो अंकले ओरालो लागेको छ । शेयर कारोबार हुने साताको पहिलो दिन नेप्से परिसूचक १.३८ अङ्कले घटेर दुई हजार ६८८.९२ मा ओर्लेको छ ।
यस्तै ठूला कम्पनीको शेयर कारोबार मापन गर्ने सेन्सेटिभ परिसूचक ०.२५ ले उकालो लागेर ५०२.४४ मा पुगेको छ । कारोबार भएका १३ उपसमूहमध्ये छ उपसमूहको शेयर ओरालो लागेको छ भने सात उपसमूहको शेयर मूल्य उकालो लागेको छ । बैंकिङ ७.४३, व्यापार १६.२९, जलविद्युत् २.९८, जीवन बीमा ६८.१७, सामूहिक लगानी ०.०७, लगानी ३.१९ अंकले ओरालो लागेको छ ।
त्यस्तै होटेल तथा पर्यटन ३४.९९, विकास बैंक १६४.८७, वित्त २९.१८, निर्जीवन बीमा २०.०६, उत्पादन ५२.२६, अन्य ३५.४२, लघुवित्त ४.२८ अंकले बढेको छ ।
नेप्सेका अनुसार कारोबारका आधारमा महालक्ष्मी विकास बैंक शीर्षस्थानमा रहेको छ । सो बैंकको २७ करोड ३९ लाख ९३ हजार ९३ रुपैयाँ बराबरको कारोबार भयो । आइसिएफसी फाइनान्स २४ करोड २८ लाख ७२ हजार ६ सय ९०, नबिल बैंक १६ करोड ६७ लाख ६५ हजार ३ सय ६८, लुम्बिनी विकास बैंक १६ करोड २३ लाख ८६ हजार ८ सय २२ रुपैयाँ, र साहस ऊर्जा १३ करोड ४४ लाख २३ हजार ७ सय ३२ रुपैयाँ बराबरको कारोबार भई शीर्ष पाँच स्थानमा परेको छ ।
आइतबारको कारोबारपछि बजार पूँजीकरण ३७ खर्ब ८१ अर्ब ९० करोड १६ लाख १३ हजार ६ सय ८० रुपैयाँ बराबर पुगेको छ । कारोबारका आधारमा बोटलर्स तराईको शेयर मूल्यमा १० प्रतिशतले वृद्धि भयो । मानुषी लघुवित्त र तेह्रथुम पावरको शेयर मूल्यमा ९.९९ प्रतिशतले वृद्धि भयो । महालक्ष्मी विकास बैंक ९.८७ र कालिका पावर कम्पनीका लगानीकर्ताले ६.०३ प्रतिशतले कमाए ।
त्यस्तै एचआइडिसिएल १०, सासह ऊर्जा ८.७४, नयाँ सारथी लघुवित्त ३.२६, समिट लघुवित्त ३.०५ र मैलुङ खोला जलविद्युत् कम्पनीका शेयरधनीले २.८९ प्रतिशतले गुमाए ।
Comments are closed.