काठमाडौं । धितोपत्र बजारमा शेयर कारोबार मापक नेप्से परिसूचक मंगलबार पनि उच्च अंकले घटेको छ । सोमबार झिनो अंकले सुधार भएको नेप्से परिसूचक मंगलबार ३२.२९ अंकले घटी दुई हजार ७ सय ३३.१४ मा ओर्लेको हो ।
यस्तै, ठूला कम्पनीको कारोबार मापन गर्ने सेन्सेटिभ परिसूचक ३.९८ अंकले घटेर ५१५.४८ मा सीमित भएको छ । नेप्से परिसूचक ओरालो लागेसँगै कारोबार रकम पनि घटेको छ । नेपाल स्टक एक्सचेञ्जका अनुसार कूल २२७ कम्पनीको ७४ लाख ४८ हजार ३६६ कित्ता शेयर चार अर्ब १६ करोड ५८ लाख ९६ हजार ५ सय ७८ रुपैयाँमा खरिद बिक्री भए ।
कारोबार भएका १३ उपसमूहमध्ये अन्य उपसमूहको शेयर मात्रै १९.९३ अंकले उकालो लाग्यो । यस्तै, बैंकिङ १५.४, व्यापार ४५.५१, होटल तथा पर्यटन ९३.५५, विकास बैंक ११९.९८, जलविद्युत् ७५.४४, वित्त ८८.७, निर्जीवन बीमा २०१.५, उत्पादन १०१.०५, लघुवित्त ५६.०४, जीवन बीमा १८९.५२, सामूहिक लगानीकोष ०.०७ र लगानी १.३४ अंकले घटेको छ ।
कारोबारका आधारमा नेपाल दूरसञ्चार कम्पनी शीर्ष स्थानमा रहेको छ । सो कम्पनीको ४१ करोड ५७ लाख २४ हजार ६३ बराबरको कारोबार भयो । नेशनल हाइड्रोपावर १२ करोड २१ लाख २४ हजार ७ सय ८१ रुपैयाँ र महालक्ष्मी विकास बैंक १० करोड ४२ लाख ७१ हजार ५ सय ६८ रुपैयाँ, अपि पावर कम्पनी १० करोड ३३ लाख ५६ हजार रुपैयाँ र अरुण काबेली पावर नौ करोड ७० लाख ५३ हजार ३ सय ३२ रुपैयाँ बराबरको कारोबार भई शीर्ष स्थानमा रहे ।
मङ्गलबारको कारोबारपछि बजार पूँजीकरण ३८ खर्ब ३५ अर्ब ८८ करोड २० लाख ४४ हजार १८ रुपैयाँ बराबर भएको छ । नेप्सेका अनुसार मानुषी लघुवित्तको शेयरमा १० प्रतिशतले वृद्धि भई सकारात्मक सर्किट लागेको छ । यस्तै, दूरसञ्चार कम्पनी २.५९, गणपति लघुवित्त २.४९, सामुदायिक लघुवित्त १.९६ र सनराइज ब्ल्यूचिप फण्डका लगानीकर्ताले १.९१ प्रतिशतले कमाए ।
त्यस्तै, आइसिएफसी फाइनान्स ५.८४, एनआइबिएल प्रगति फण्ड ५.२५, नारायणी डेभलपमेन्ट बैंक ५.१६, गुडविल फाइनान्स ४.९४ र सिङ्गटी हाइड्रोपावरका लगानीकर्ताले ४.७८ प्रतिशतले गुमाए ।
Comments are closed.