काठमाडौं । साताको सेयर बजार नेप्से परिसुचक करिब ९ प्रतिशतले बढेको छ । आइतबारदेखि शुक्रबारसम्म भएको कारोबारमा नेप्से ९ दशमलव ९५ प्रतिशतले बढेको हो । यो साता ६ दिन कारोबार भएको सेयर बजार एक सय ६६ दशमलव ७१ अंकले बढेर दुई हजार २८ दशमलव ७७ बिन्दुमा आइपुगेको छ ।
परिसूचक गत साता एक हजार आठ सय ६२ दशमलव शून्य ६ मा बन्द भएको थियो । लगानीकर्ताले राखेको माग सम्बोधन हुने अपेक्षा र सरकारले पनि बजारप्रति सकारात्मक देखाउन थालेपछि बजारमा सुधार हुँदै आएको छ ।
यो साता कारोबार रकममा पनि ३९ दशमलव ५० प्रतिशतले वृद्धि भइ सातामा १० अर्ब ६४ करोड ८५ लाख रुपैयाँको कारोबार भएको छ । यस साता औसत कारोबार एक अर्ब ७७ करोड रुपैयाँ रहेको छ ।
सबभन्दा बढी नाफा कमाउने कम्पनीमा सिवाइसी लघुवित्त वित्तीय संस्थाका लगानीकर्ता रहेका छन् । यस संस्थाका लगानीकर्ताले ७७ प्रतिशत नाफा गरेका हुन् । त्यसैगरी, आँखुखोला लघुवित्त वित्तीय संस्थाका लगानीकर्ताले ३८ दशमलव १९ प्रतिशतले नाफा आर्जन गरेका छन् ।
Comments are closed.