काठमाडौं । एमएडब्लु वृद्धी कमर्सियल भेहिकलले बर्दिवासमा नयाँ शोरुम सञ्चालन सुरुवात गरेको छ । बर्दिवासमा आफ्नो ब्राण्ड–न्यू शोरुमको भव्य उद्घाटन गरिएको छ ।
होटल रेड क्राउन, बर्दिबासको छेउमा रहेको यस अत्याधुनिक सुविधा सम्पन्न शोरुम साउन २५ गतेदेखि आधिकारिक रूपमा सञ्चालनमा आएको हो । शोरुममा दुई ब्राण्डहरू फोटोन र सोकोनका कमर्सियल गाडीहरू उपलब्ध छन् ।
फोटोन मोटर्स (चीनको नम्बर १ व्यावसायिक वाहन निर्माता) को आधिकारिक वितरकको रूपमा कम्पनीले हाईरुफ ईभी भ्यान, टुनल्याण्ड, टिएम वानसहित कुशल र भरपर्दा सवारी साधनको रेन्ज प्रदान गर्दछ । आफ्नो व्यावसायिक सवारी साधनको विकल्पलाई थप विस्तार गर्न एमएडब्लू वृद्धिले सोकोन मोटर्सलाई पनि भित्र्याएको छ । जसको बहुमुखी ईसी थर्टी सिक्स भ्यान यात्रुवाहक, स्कुल र कार्गो भेरियन्टमा उपलब्ध छन् ।
डेडीकेटेड बिक्री टोलीको न्यानो स्वागत र विशेषज्ञ मार्गदर्शनको साथमा ग्राहकले आफ्ना लागि उपयुक्त विकल्पहरू अन्वेषण गर्न, आफ्नो व्यवसायलाई माथि उठाउनको लागि उत्तम गाडी फेला पार्न सक्नेछन् । नयाँ शोरुम एमएडब्लू वृद्धिको लागि एउटा महत्वपूर्ण कदमको सङ्केत हो ।
यसले ग्राहक सेवाप्रतिको प्रतिबद्धतालाई बलियो बनाई कम्पनीको उपस्थितिलाई नेपालभर विस्तार गर्दछ । बर्दिबास र आसपासका ग्राहकले अब नयाँ व्यावसायिक सवारी साधनहरू अनुभव गर्न, वित्तीय विकल्पहरू खोज्न र नयाँ खोलिएको शोरुमबाट फाइदा लिन सक्नेछन् ।
Comments are closed.