काठमाडौं । नेपाल एसोसिएसन फर सफ्टवेयर एण्ड आईटी सर्भिसेस कम्पनीज् (नास आईटी) ले नेपालका आईटी कार्यबलको सीप बढाउने उद्देश्यले दुई नयाँ पाठ्यक्रम सुरू गरेको छ । यी पाठ्यक्रमहरू DevOps आधारभूत कुराहरू र वेब अनुप्रयोग विकास मास्टरिंग यूएसएआइडीको सहायतामा विकसित गरिएको हो ।
नास आईटीले यी पाठ्यक्रमहरू कार्यान्वयन गर्न टेक आक्सिस र प्रेसिडेन्सियल ग्राजुएत स्कूलसँग साझेदारी गरेको छ । टेक आक्सिसले वेब अनुप्रयोग विकास मास्टरिंग कार्यक्रम सञ्चालन गर्नेछ । साथै प्रेसिडेन्सियल ग्राजुएत स्कूलले म्भखइउक आधारभूत कुराहरू पाठ्यक्रममा ध्यान केन्द्रित गर्नेछ । दुवै संस्थाले सम्भावित सहभागीलाई यी पाठ्यक्रमहरू प्रवद्र्धन गर्न महत्त्वपूर्ण भूमिका खेल्नेछ बताइएको छ ।
DevOps आधारभूत कुराहरू पाठ्यक्रम अन्तिम वर्षका विद्यार्थीका लागि तयार गरिएको हो । जसले तिनीलाई व्यावहारिक DevOps सीप प्रदान गर्दछ । DevOps का सिद्धान्त र कार्यप्रणाली बुझेर विद्यार्थीहरू आधुनिक सफ्टवेयर विकासमा योगदान दिन तयार हुनेछन् ।
वेब अनुप्रयोग विकास मास्टरिंग पाठ्यक्रम आईटी व्यवसायी र कर्मचारीलाई वेब एप्लिकेशन विकासमा उच्चस्तरको सीप प्रदान गर्न डिजाइन गरिएको हो । सहभागीले उन्नत प्रविधिहरू, उत्कृष्ट अभ्यासहरू र उद्योगका प्रवृत्तिहरू सिक्नेछन्, जसले उदाहरणीय वेब एप्लिकेशनहरू बनाउन सक्षम बनाउनेछ ।
“नास आईटी जनशक्ति विकास र शैक्षिक क्षेत्र र उद्योग बीचको सहकार्यलाई प्रोत्साहन गर्न प्रतिबद्ध छ” नास आईटीका सञ्चालक सदस्य कैलाशराज विजयनन्द भन्छन्,–“यी पाठ्यक्रमले आईटी जनशक्तिलाई आजको प्रविधि–चालित संसारमा फस्टाउन आवश्यक सीपहरू प्रदान गर्ने छ । हामी विश्वास गर्छौं कि यी कार्यक्रमले नेपालको आईटी उद्योगको विकासमा महत्वपूर्ण योगदान पुर्याउनेछन्” ।
कार्यक्रम उद्घाटन काठमाडौंको होटल सोल्टीमा गरिएको हो । जसमा नास आईटी, यूएसएआइडी, सरकारी निकाय, शैक्षिक क्षेत्र, आईटी उद्योगका प्रतिनिधिहरू र अन्य सरोकारवालाले सहभागीता जनाए ।
नास आईटीका बारेमा :
नेपाल एशोसिएसन फर सफ्टवेयर एन्ड आईटी सर्भिसेज कम्पनीज (नास आईटी) नेपालमा आईटी उद्योगको विकास र प्रवर्धन गर्न समर्पित गैर–नाफामूलक संस्था हो। नास आईटीले आईटी व्यवसायहरूको लागि अनुकूल वातावरण सिर्जना गर्न, नवप्रवर्तनलाई प्रोत्साहन गर्न र आईटी व्यवसायीहरूको सीपहरू बढाउन कार्य गर्दछ ।
Comments are closed.