काठमाडौं । युनाइटेड लुब्रिकेन्ट्स इन्डष्ट्रिज प्रालिको उद्घाटन भएको छ ।
धनुषाको मिथिला नगरपालिका ३ मा स्थापित उद्योगको मंगलबार एक कार्यक्रमबीच उद्घाटन गरिएको हो ।
मधेस प्रदेशका मुख्यमन्त्री सतिशकुमार सिंह र भीडोल इन्टरनेशनल लिमिटेड युकेका डाइरेक्टर अरिजित वासुले उद्घाटन गरेका हुन् ।
उद्यमी दीपेन्द्र मिश्राको नेतृत्वमा उद्योग स्थापना भएको हो । उद्योगमा ५० करोड रूपैयाँ लगानी भएको प्रालिका डिजिएम दिनेश खनालले जानकारी दिए ।
लुब्रिकेन्ट्सको आयात घटाउने र नेपाललाई आत्मनिर्भर बनाउने अभियानमा उद्योगको योगदान महत्त्वपूर्ण हुने प्रबन्ध निर्देशक दिपेन्द्र मिश्राले बताए ।
उद्योगबाट नेपाली ब्रान्डको युनाइटेड गोल्ड लुब्रिकेन्ट्स र अन्तर्राष्ट्रिय ब्रान्डको भीडोल लुब्रिकेन्ट्स उत्पादन सुरु भइसकेको छ ।
Comments are closed.