काठमाडौं । नेपालकै प्रमुख तार, केबल तथा कन्डक्टर उत्पादक कम्पनी लिट्मस इन्डस्ट्रीज लिमिटेडले चर्चित खेलाडी, व्यक्तिगत तथा फिटनेस प्रशिक्षक सनम मुलगुठीसँग सहकार्य गरेको छ ।
राष्ट्रिय प्रेरणाको स्रोत तथा १५औं वल्र्ड बडीबिल्डिङ एन्ड फिजिक च्याम्पियनसिप २०२४ की रजत पदक विजेता सनमले आफ्नो अतुलनीय समर्पण र लगनशीलता यस सहकार्यमार्फत ल्याउने अपेक्षा गरिएको छ ।
नेपालको विद्युतीय उत्पादन क्षेत्रमा विश्वास, नवीनता र शक्तिको पर्याय बनेको लिट्मस केबल्सले नेपाली फिटनेस तथा बडीबिल्डिङको क्षेत्रलाई नयाँ उचाइ प्रदान गर्ने सनमसँग हात मिलाउँदै सम्पूर्ण नेपालीलाई व्यक्तिगत विकास र सबल र उज्यालो नेपाल निर्माणमा उत्कृष्टता हासिल गर्न प्रेरित गर्ने उद्देश्य राखेको छ । यो सहकार्य दृढता र प्रगतिको लागि समर्पित दुई शक्तिहरूको एकता पनि हो ।
लिट्मस इन्डस्ट्रीजकी मार्केटिङ तथा बिजनेस डेभलप्मेन्ट निर्देशक साक्षी गुप्ताले सनमको अटल समर्पणजस्तै हामीले निर्माण गर्ने हरेक तार र केबलले भरोसा र सबलताको आधार निर्माण गरेका छन् र तिनलाई प्रमाणित पनि गरेको बताइन् । सनमले यस सहकार्यले मलाई विश्वास दिलाउँछ र बल, विश्वास र दृढताको साथ, हामी ठूला उपलब्धिहरू हासिल गर्न सक्ने बताइन् ।
१५ औं वल्र्ड बडीबिल्डिङ एन्ड फिजिक च्याम्पियनसिप २०२४ मा रजत पदक र नेपालमा आयोजित ५५ औं एशियन बडीबिल्डिङ च्याम्पियनसिप २०२३ मा स्वर्ण पदक प्राप्त गरेको छ ।
लिट्मस इन्डस्ट्रीज लिमिटेडको बारेमाः
लिट्मस इन्डस्ट्रीज लिमिटेड नेपालकै प्रमुख उच्च–गुणस्तरीय तार, केबल तथा कन्डक्टर उत्पादक हो, जसले गुणस्तर, सुरक्षा, नवीनता र भरपर्दो सेवामा आफ्नो प्रतिबद्धता पुरा गर्दै आइरहेकोे छ । नेपालको प्रगतिलाई ऊर्जा प्रदान गर्ने लक्ष्यका साथ, लिट्मसले विश्वस्तरको मापदण्ड पुरा गर्ने उन्नत विद्युतीय समाधान प्रदान गर्दछ । लिट्मस केबल्स विद्युतीकरणको विकासमा योगदान पु¥याउँदै देशलाई सशक्त र आत्मनिर्भर बनाउन प्रयासरत छ ।
Comments are closed.