प्रतितोला १४ सय बढ्यो सुनको मूल्य

काठमाडौं । आज सुनको मूल्य प्रतितोला रु १४ सय बढेको छ । चाँदीको मूल्य भने स्थिर देखिएको छ ।

अन्तर्राष्ट्रिय बजारमा सुनको मूल्यवृद्धि, आन्तरिक बजारको माग र आपूर्तिबमोजिम समायोजन गर्दा मङ्गलबारको भन्दा आजको मूल्य बढेको हो । मङ्गलबार प्रतितोला रु १ लाख ४९ हजार ६ सय कायम भएको सुनको मूल्य आज बढेर प्रतितोला रु १ लाख ५१ हजार पुगेको नेपाल सुनचाँदी व्यवसायी महासङ्घले जनाएको छ ।

चाँदीको मूल्यमा भने परिवर्तन भएको छैन । आज चाँदी प्रतितोला रु १७ सय ६५ मा किनबेच हुँदैछ ।