सुनको मूल्य प्रतितोला १५ सय घट्यो

काठमाडौं । आज सुनको मूल्य घटेको छ । आन्तरिक बजारको माग तथा आपूर्ति व्यवस्थापन र अन्तर्राष्ट्रिय बजारमा सुनको मूल्यमा देखिएको उतारचढावका कारण सुनको मूल्य आज प्रतितोला रू १५ सय घटेको हो ।

शुक्रबार प्रतितोला रू १ लाख ५३ हजार ५ सयमा कारोबार भएको सुन आज प्रतितोला रू १ लाख ५२ हजार कायम भएको नेपाल सुनचाँदी व्यवसायी महासङ्घले जनाएको छ ।

शुक्रबारको तुलनामा आज चाँदीको मूल्य भने स्थिर देखिएको छ । आज चाँदी प्रतितोला रू १ हजार ८१० मा कारोबार हुनेछ ।