काठमाडौं । अन्तर्राष्ट्रिय बजारमा मूल्य घटेसँगै आज स्थानीय बजारमा पनि सुनचाँदीको मूल्य घटेको छ । सुन प्रतितोला रू ८ सय र चाँदी प्रतितोला रू ३० घटेको हो ।
गत शुक्रबार प्रतितोला रू १ लाख ५७ हजार ९ सयमा कारोबार भएको सुन आज प्रतितोला रू १ लाख ५७ हजार १ सय कायम भएको नेपाल सुनचाँदी व्यवसायी महासङ्घले जनाएको छ ।
त्यस्तै, आज चाँदी प्रतितोला रू १ हजार ८६० मा कायम भएको छ । शुक्रबार चाँदी प्रतितोला रू १ हजार ८९० मा खरिद बिक्री भएको थियो ।
अन्तर्राष्ट्रिय बजारमा सुनको मूल्य प्रतिऔँस अमेरिकी डलर १६ दशमलव २५ ले घटेर २ हजार ७०३ दशमलव २ कायम भएको छ ।
Comments are closed.