काठमाडौं । किड्जी प्रिस्कुलले आफ्नो स्थापनाको १० वर्ष पूरा गरेको उपलक्ष्यमा एक रमाइलो कार्निवल उत्सव मनाएको छ । विद्यार्थी, अभिभावक र स्थानीय समुदायका सदस्यको उत्साहजनक सहभागिता रहेको कार्यक्रममा खेलकुद, मनोरञ्जन र पारिवारिक गतिविधि भएका छन् ।
विभिन्न खेलहरू, दौड प्रतियोगिताहरू र अन्तरक्रियात्मक खेलसहित गरिएको यस कार्यक्रमले सबैलाई मनोरञ्जन प्रदान गरेको छ । प्रतियोगिताका विजेतालाई पुरस्कृत गरिएपनि यस कार्यक्रमको मुख्य आकर्षण नै किड्जी स्कुल परिवारको एकता र १० वर्षको उत्कृष्ट शैक्षिक यात्राको उत्सव थियो ।
नेपालको अग्रणी बाल विकास तथा शिक्षा संस्थाहरू मध्येको एक, किड्जी प्रिस्कुलले बालबालिकामा सिर्जनात्मकता, जिज्ञासा र समग्र विकासलाई प्रोत्साहन गर्ने लक्ष्य राख्दै आएको छ । यस वार्षिकोत्सव कार्यक्रमले बालबालिका र उनीहरूका परिवारका लागि रमाइलो र उत्साहवद्र्धक वातावरण प्रदान गर्ने प्रतिबद्धतालाई थप बलियो बनाएको छ ।
Comments are closed.