लेखनाथ । बेगनास युवा क्लवको आयोजनामा शुक्रबारदेखि जारी तेश्रो बेगनास कपमा सोमबारबाट उत्कृष्ट १६ का लागि प्रतिस्पर्धा सुरु भएको छ । सोमबार सम्पन्न पहिलो खेलमा बेगनासताल मत्स्य व्यवसायी र ब्ल्याक डायमण्ड बीच निर्धारित समयमा १/१ को बराबरी पछि भएको पेनाल्टी सुटआउटमा ब्ल्याक डायमण्ड लाई ३–२ को गोल अन्तरले पराजित गर्दै अगाडिको यात्रा तय गरेको हो ।
यस्तै दोश्रो खेलमा एन के क्लवले राईजिङ स्टार युवा कलवलाई २–० को गोल अन्तरले पराजित गरेको छ भने मिक्की एफ सि ले न्यू स्टार एफ सिलाई ३–२ ले पराजित गरेको छ । निर्धारित समयमा कुनै पनि टिमले गोल गर्न नसकेपछि ट्राईब्रेकरमा मिक्कि एफ सि ले न्यू स्टार लाई ३–२ ले पराजित गरेको हो ।
एन डि कसमस जापानले ईन्द्रेणी युथ क्लवलाई १–० ले पराजित गरेको छ भने बिनोद मेमोरियलले बिग सिटि क्याफेलाई ५–४ले पराजित गरेको छ । निर्धारित समयमा कुनै पनि पक्षबाट गोल हुन नसकेपछि खेल पेनाल्टी सुट आउटमा गएको थियो । सोमबारको अन्तिम खेलमा हिमाल एण्ड रक्षा मेमोरियलले ले ए स्टार क्याफेलाई ४–१ को फराकिलो अन्तरले पराजित गर्दै अघिल्लो चरणको यात्रा तय गरेको छ । फागुन २२ गतेसम्म सञ्चालन हुने प्रतियोगितामा कुल २८ टिमको सहभागिता रहेको छ ।
Comments are closed.