सुशीला रेग्मी/रामपुर (पाल्पा) । रामपुर वचत तथा ऋण सहकारी संस्थाले ६८ औँ राष्ट्रिय सहकारी दिवस तथा नयाँवर्ष २०८२ को क्यालेण्डर विमोचन कार्यक्रम गरेको छ । संस्थाका अध्यक्ष गुरुप्रसाद रेग्मीको अध्यक्षतामा भएको कार्यक्रमका प्रमुख अतिथि लुम्बिनी प्रदेश अर्थ, उद्योग तथा पर्यटन समिति सभापति राजुप्रसाद श्रेष्ठ रहेका हुन् ।
प्रमुख अतिथि सभापति श्रेष्ठले नयावर्षको क्यालेन्डर विमोचन गर्दै अबको सन् २०३० मा दिगो विकासको लक्ष्य प्राप्ती गर्न प्रबिधीमा जोड दिनुपर्ने बताएका छन् । सहकारीको नाममा ठगी गरेर कमाउने केही व्यक्तिका कारण अहिले सहकारीप्रती शंकाको दृष्टिकोणले हेर्ने गरिएको हुँदा सबै सहकारीलाई ठगी, समस्याग्रस्तको रुपमा हेर्न नहुने उनी बताउछन् ।
संस्थाका अध्यक्ष रेग्मीले सहकारी दिवसको अवसर पारेर संस्थाको वार्षिक क्यालेण्डर विमोचन गरिएको जानकारी दिए । कार्यक्रममा संस्थाका सल्लाहकार नगिलाल पौडेल, संस्थाका कोषाध्यक्ष बन्दना पोखरेल, सञ्चालक समिति सदस्य हजिलदिन मिया, अनुगमन उपसमिति सदस्य विशाल श्रेष्ठ लगायतले बोल्दै सहकारी गाउँ समाजको विकासको आधार रहेको बताएका छन् ।
संस्थाका उपाध्यक्ष बाबुराम श्रेष्ठको स्वागतबाट सुरु भएको कार्यक्रमको सञ्चालन सचिव किर्तिनाथ श्रेष्ठले गरेका हुन् । कार्यक्रममा सञ्चालक समिति, सल्लाहकार, विभिन्न उपसमिति, कर्मचारी लगायत सहभागी थिए । यसवर्षको सहकारी दिवसको नारा ‘मर्यादित सहकारी, समुन्नत समाज’ भन्ने रहेको छ । आज देशभर सहकारी दिवसको अवसरमा विभिन्न कार्यक्रम आयोजना गरिएको छ।
Comments are closed.