पोखरा । पोखरा महानगरपालिका २८ को सामाजिक सुरक्षा र जीविकोपार्जन कार्यक्रमको अवस्था एव दिगो सामाजिक आर्थिक विकासका लागी रणनितीहरु विषयमा शान्तिका लागि साझा अभियान (कोक्याप) गण्डकी प्रदेशले छलफल कार्यक्रम सम्पन्न गरेको छ । गैर सरकारी संस्था महासंघका निर्वतमान अध्यक्ष तथा गोनेसाका अध्यक्ष रामप्रसाद सुवेदीले यस्ता महत्वपूर्ण छलफलले विकास निर्माण तथा आर्थिक गतिविधिमा महत्वपूर्ण योगदान रहने बताए ।
कार्यक्रममा पोखरा महानगरपालिका २८ का वडाध्यक्ष श्रीकृष्ण लामिछानेले शान्तिका लागि साझा अभियान कोक्यापले आफ्नो कार्यक्रमको लागि पोखरा २८ लाई छनोट गरेको कोक्यापलाई धन्यवाद दिदै समग्रमा पोखरा २८ मा विकास निर्माण तथा कृषिको प्रचुर सम्भावना रहेको भएतापनि विविध कारण जस्तै खानेपानी, बादर आतंक लगायत अन्य कारणले त्यहाँका जनतालाई अप्ठ्यारो परेको र यसमा वडाले आफ्नो तर्फबाट दिर्घकालिन योजना बनाएर काम गरिरहेको बताएका छन् । कार्यक्रममा पोखरा महानगरपालिका कृषि महाशाँखाका प्रमुख मनहर कडरियाले प्रशिक्षण दिदै पोखरा २८ मा कृषि देखि विभिन्न कुराहरू सम्भावना रहेको बताए ।
शान्तिका लागि साझा अभियान कोक्यापका अध्यक्ष वीरबहादुर किसानको अध्यतामा भएको परामर्श कार्यक्रममा पोखरा उद्योग वाणिज्य संघका सदस्य मनोहरि पौडेल कृषि सन्जाला पोखरा २८ का अध्यक्ष राधाकृष्ण तिवारी सहजकर्ता तथा अध्यनकर्ता बबिन नेपाली लगाएतले कार्यक्रमको बारेमा आफ्ना भनाइ राखेका छन् । सहजकर्ता केशु भुजेलले सञ्चालन गरेको कार्यक्रममा कोक्यापका कार्यक्रम संयोजक शुसिला न्यौपानेले स्वागत गरेकी हुन् ।
Comments are closed.