काठमाडौं । नेपाल राष्ट्र बैंकले रु २५ अर्ब निक्षेप सङ्कलन गर्ने भएको छ । केन्द्रीय बैंकले एक सूचना जारी गर्दै आज २५ अर्ब निक्षेप सङ्कलन गर्न लागेको जनाइएको छ ।
बैंक तथा वित्तीय संस्थाहरुमा अधिक तरलता थुप्रिएसँगै केन्द्रीय बैंकले २५ अर्ब रुपैयाँ तरलता खिच्ने भएको हो । राष्ट्र बैंकको मौद्रिक व्यवस्थापन विभागकाअनुसार २५ दिनको लागि निक्षेप सङ्कलन उपकरणको बोलकबोल तथा निष्काशन गर्ने भएको छ ।
निक्षेप सङ्कलनमा सहभागी हुन चाहने बैंक तथा वित्तीय संस्थाहरुले आज ३ बजेसम्म अनलाईन आवेदन दिन सक्नेछन् । राष्ट्र बैंकले सो निक्षेपको ब्याज बोलकबोलका माध्यमबाट निर्धारण हुने बताएको छ । यस्तै, सो निक्षेपको साँवा तथा ब्याज भुक्तानी २०८२ भदौ २२ गते हुनेछ ।
सो निक्षेप सङ्कलनमा घटीमा १० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आव्हान रकमसम्म बोलकबोल गर्न सकिने उल्लेख छ । केन्द्रीय बैंकले निक्षेप सङ्कलनको बोलकबोल ब्याजदरमा गर्नुपर्नेछ ।
बहुब्याजदरमा पनि बहुबोलकबोल गर्न सकिने बताएको छ । यस्तै, निक्षेप सङ्कलन उपकरणको बोलकबोलमा राष्ट्र बैंकबाट इजाजतपत्र प्राप्त बैंक तथा वित्तीय संस्था मात्र सहभागी हुन पाउनेछन् ।
Comments are closed.