रामपुर साना शहरी खानेपानीको अध्यक्षमा भट्टराई निर्वाचित

अध्यक्ष बाहेकका पदाधिकारी र लेखा समितिमा कांग्रेसको प्यानल विजयी

रामपुर (पाल्पा) । रामपुर साना शहरी खानेपानी तथा सरसफाई उपभोक्ता संस्थाको अध्यक्षमा कमलराज भट्टराई निर्वाचित भएका छन् । संस्थाको तेस्रो अधिवेशनमार्फत नयाँ कार्यसमिति चयनका लागि शनिबार भएको निर्वाचनमा १३०६ मत प्राप्त गर्दै संयुक्त प्यानलबाट उनी निर्वाचित भएका हुन् ।

आईतबार साँझ सम्पन्न भएको मतगणना अनुसार प्रतिष्पर्धी नेपाली कांग्रेसका उम्मेदवार हजुल मियाँलाई १९४ मतले पछि पार्दै उनी निर्वाचित भए । मियाँले १११२ मत प्राप्त गरेका छन् । निर्वाचनमा नेपाली कांग्रेसको प्यानल र नेकपा एमाले, नेकपा माओवादी केन्द्र, नेकपा एकीकृत समाजवादी र राष्ट्रिय जनमोर्चा लगायतका दलहरुको संयुक्त प्यानलबीच प्रतिष्पर्धा भएको थियो ।

अध्यक्ष बाहेक अन्य कार्यसमितिका पदाधिकारी र लेखा समितिमा भने नेपाली कांग्रेसतर्फका उम्मेदवारहरु सबै निर्वाचित भएका छन् । उपाध्यक्षमा नेपाली कांग्रेसबाट विष्णुमाया ढकाल १२२५ मतसहित निर्वाचित भइन् । उनका प्रतिष्पर्धी प्रेमप्रकाश श्रेष्ठले ११०१ मत प्राप्त गरे । सचिवमा निलकण्ठ पोखरेल १२३७ मतसहित विजयी भए भने उनका प्रतिष्पर्धी कृतिनाथ श्रेष्ठले १०३६ मत प्राप्त गरेका छन् ।

कोषाध्यक्षमा भोजराज भट्टराई १४५० मतसहित अत्याधिक मतले विजयी भए । उनको प्रतिष्पर्धी खेमराज घिमिरेले ८२८ मत प्राप्त गरे । सदस्यहरुमा विष्णुप्रसाद आचार्य १०६८, मुना थापा एक हजार ६४, राजकुमार श्रेष्ठ १०५०, सरस्वती डोटेल १०३७ र टेकबहादुर विश्वकर्मा ९७५ मतसहित विजयी भएका छन् । सदस्यका प्रतिष्पर्धीहरु दुर्गाबहादुर केसीले ९७३, विष्णुमाया सारुले ७९६, मञ्जुदेवी पोखरेलले ८१०, सुमित्रा ज्ञावलीले ७३३ र सुर्जे गैरे ८२९ मत प्राप्त गरेका छन् ।

लेखासमिति संयोजकमा दुर्गाप्रसाद पोखरेल एक हजार दुई सय ५१, सदस्यहरुमा कमल आचार्य एक हजार १०९ र मञ्जु भट्ट क्षेत्री ९७५ मतसहित विजयी हासिल गरे । त्यस्तै संयोजकका प्रतिष्पर्धी कृष्णप्रसाद श्रेष्ठले ९११, सदस्यहरु पवित्रा कुमालले ७९९ र विपिन अधिकारीले एक हजार ६१ मत प्राप्त गरेका छन् ।

ब्लक संयोजकतर्फ ब्लक नं. १, ३, ४ र ६ मा नेपाली कांग्रेसका उम्मेद्वार र ब्लक नं. २ र ५ मा संयुक्त प्यानलका उम्मेदवार निर्वाचित भएका छन् । ब्लक नं. १ बाट कृष्णप्रसाद अर्याल २३५, ब्लक नं. २ बाट टोपनारायण ढकाल १४४, ब्लक नं. ३ बाट बसन्तबहादुर मल्ल मेदासी ३०१, ब्लक नं. ४ मा कृष्णप्रसाद वाग्ले २६८, ब्लक नं. ५ मा बुद्धिप्रसाद श्रेष्ठ २११, ब्लक नं. ६ मा मोहनबहादुर थापा १८३ मतसहित निर्वाचित भएको निर्वाचन समितिले जनाएको छ ।

उनीहरुको प्रतिष्पर्धी क्रमशः लेखनाथ रेग्मीले ११२, भोजराज भण्डारीले ८४, सुर्यप्रसाद श्रेष्ठले १६७, रामप्रसाद भण्डारीले २३३, धनबहादुर रानाले १९४ र ओमनारायण श्रेष्ठले १७० मत प्राप्त गरे । निर्वाचनमा कुल मतदाता ३ हजार ६८४ मध्ये २ हजार ५८८ जना उपभोक्ताले मतदान गरेका थिए । शनिबार राती ११ बजे देखि सुरु भएको मतगणना आईतबार साँझ अबेर सकिएको थियो ।

You might also like

Comments are closed.