काठमाडौं । शुक्रबारदेखि अबरुद्ध रहेको नारायणघाट–मुग्लिन सडक एकतर्फी खुलेको छ ।
पहिरोका कारण तुइनखोला नजिकै करिब ५० घण्टादेखि अवरुद्ध सडक आइतबार दिउँसो एकतर्फी खुलेको हो ।
तुइनखोलामा माथिबाट खसेको पहिरो केही बेरअघि हटाएसँगै सडक एकतर्फी सञ्चालनमा आएको छ ।
सडक दुईतर्फी नै खुलाउन पहिरो पन्छाउने काम निरन्तर गरिने सडक डिभिजन कार्यालय भरतपुर चितवनले जनाएको छ ।
अहिले सडक खुलेपछि रोकिएका गाडी र यात्रु विस्तारै गन्तव्यतर्फ लाग्न थालेका छन् ।
Comments are closed.