काठमाडौं । शिवरात्रीको पुर्वसन्ध्यामा मानव कल्याण आध्यात्मिक प्रतिष्ठानका संरक्षक शिवतान्त्रिक बुद्धिकुमार गुरुको नेतृत्वमा शिव पार्वती रथयात्रा कार्यक्रम सकिएको छ ।
ललितपुरको बालकुमारी मन्दीरबाट दर्जनौं गाडीमा हजारौँ संख्यामा भक्तजन बाजागाजा तथा झाँकी जुलुशसहित भक्तपुर सुडालको कलमसिमा १०८ फिट अग्लो कल्पेश्वर महादेवको शिवमुर्ति भएको स्थानमा पुगेका थिए । शिवरात्रीको सो अवसरमा १०८ फिट अग्लो मुर्ति भएको मन्दिर परिसरमा विशेष पूजाआजा समेत सम्पन्न गरिएको छ ।
प्रतिनिधि सभा सदस्य भक्तपुर २ नं क्षेत्रका सासंद दुर्लभ थापा, प्रदेश सासंद सुरेश श्रेष्ठ, पुर्वराज्यमन्त्री तारामान गुरुङ, अन्तर्राष्ट्रिय गुरु स्वामी श्री १००८ सत्यदेव महाराजको समेत सहभागीता रहेको थियो ।
प्रमुख अतिथि सांसद दुर्लभ थापाले यस ठाउँमा १०८ फिट अल्लो कल्पेश्वर महादेवको मुर्ति निर्माणले भक्तपुर चाँगुनारायणको मात्र होइन देशको पहिचानलाई नै उच्च राख्ने र दुईवर्ष भित्रै यहाँका सबै कामलाई सक्नुपर्ने र धार्मिक पर्यटनको रुपमा यस ठाउँलाई विकास गर्नुपर्ने बताउँछन् ।
मानव कल्याण आध्यात्मिक प्रतिष्ठानका संरक्षक शिवतान्त्रिक बुद्धिकुमार गुरुले भक्तजनलाई आशिरवचन दिएका छन् । उनले १०८ फिट अल्लो कल्पेश्वर महादेवको मुर्ति निर्माणको काम जसरी पनि पुरा गर्ने अठोट लिएको बताए ।
रथयात्रा कार्यक्रममा स्वामी श्री १००८ सत्यदेव महाराजले भक्तजनलाई आशिरचन दिएका छन् । राष्ट्रिय गानका रचनाकार ब्याकुल माइला, चाँगुनारायण नगरपालिकाका ८ वडाध्यक्ष जनक खत्री, पुर्व प्रदेशमन्त्री कृष्णलाल भडेल, बागमती प्रदेशका मुख्यमन्त्रीका सल्लाकार डिपि ढकालको सहभागीता रहेको थियो । शान्तिको कामना गर्दै ६ वटा सेतो परेवा समेत सो अवसरमा उडाइएको छ ।
मानव कल्याण आध्यात्मिक प्रतिष्ठानले आफनो प्रस्तावना र उद्धेश्य अनुरुप मानव कल्याणका महत्वपूर्ण कार्य तथा धार्मिक प्रचार प्रसारमा लागिरहेको छ । धार्मिक कार्यलाई विज्ञानसँग र सेवासँग जोड्दै अघि बढीरहेको छ । गुरुको संरक्षकत्वमा प्रतिष्ठानले १०८ फिटको विश्वको सबैभन्दा ठुलो शिवमुर्ती बनाउँदैछ ।
करिव ५४ रोपनी क्षेत्रफलमा फैलिएको जमिनमा शिव पार्वती मन्दिर २७ फिट नाग देवता, २७ धारा गोसाइकुण्ड, विष्णुकुण्ड, विद्यालय, पुस्तकालय, बाल आश्रम, वृद्धाश्रम, अतिथिगृह, भोजनालय, फनपार्क, गौमातागृह, प्रवेशद्धार जस्ता कार्यहरु गर्दैछ । यहाँ २६ ओटा परियोजना समावेश छन् ।
परियोजना सम्पन्न हुन १ अर्ब भन्दा बढी लागत लाग्ने अपेक्षा गरिएको छ । यो परियोजना सम्पन्न गर्नका लागि शिवतान्त्रिक गुरु, विभिन्न संघ संस्था, सरकारी निकाय तथा भक्तजनको सहयोग लिइ अहोरात्र खटिरहेका छन् ।
Comments are closed.