काठमाडौं । धितोपत्र बजारमा शेयर कारोबार मापक नेप्से परिसूचक आज भने उकालो लागेको छ । नेपाल स्टक एक्सचेजका अनुसार नेप्से परिसूचक ४ दशमलव ७८ अङ्कले उकालो लागेर २ हजार ३५ दशमलव ६४ मा पुगेको छ ।
ठूला कम्पनीको कारोबार मापन गर्ने सेन्सेटिभ परिसूचक शून्य दशमलव ३६ ओरालो लागेर ३५९ दशमलव ०९ मा सीमित भएको छ । कारोबार भएका १३ उपसमूहमध्ये ५ उपसमूहकोे शेयर मूल्य ओरालो लाग्दा ८ उपसमूहको शेयर मूल्यमा भने वृद्धि भएको छ ।
कुल ६६ लाख १४ हजार ४४५ कित्ता शेयर रु २ अर्ब ६५ करोड ३३ लाख ४९ हजार ४६८ मूल्यमा कारोबार भएको छ । कारोबारका आधारमा सर्वोत्तम सिमेन्ट शीर्षस्थानमा छ । सो कम्पनीको रु १९ करोड ३७ लाख ६२ हजार ८६९ बराबरको कारोबार भयो ।
त्यस्तै, गुर्खाज फाइनान्स रु १६ करोड १९ लाख ८९ हजार ५५८, शिवम् सिमेन्ट रु १५ करोड ३९ लाख ३३ हजार ६४९, सोनापुर मिनरल्स रु ११ करोड १८ लाख ५३ हजार १६८ र पिपल्स पावर रु ७ करोड ३ लाख २३ हजार १७९ बराबरको कारोबार भई शीर्ष पाँचभित्र पर्न सफल भएका छन् ।
नेप्सेका अनुसार हिमालयन ऊर्जा विकास कम्पनी १०, सर्वोत्तम सिमेन्ट ९ दशमलव ९६, हिमालयन हाइड्रोपावर ८ दशमलव ७३, सामलिङ पावर कम्पनी ८ दशमलव ०७ र पिपल्स पावरका लगानीकर्ताले ७ दशमलव ४४ प्रतिशतले कमाएका छन् ।
उन्नति सहकार्य लघुवित्त १०, धवलागिरि लघुवित्त १०, हिमालयन बैंकको म्युचुअल फण्ड ६ दशमलव ८०, जोशी हाइड्रोपावर ३ दशमलव ३४ र मैलुङ खोला जलविद्युत् कम्पनीका लगानीकर्ताले ३ दशमलव २८ प्रतिशतले गुमाएका छन् । रासस
Comments are closed.