काठमाडौं । काठमाडौंको दरबारमार्गस्थित ‘कासा लाउञ्ज एण्ड बार’ ले आफ्नो ग्राहकलाई उत्कृष्ट सेवा र मनोरञ्जन प्रदान गर्दै दरबारमार्गकै एक उत्कृष्ट र सबैले रुचाइएको लाउञ्जको रुपमा आफूलाई चिनाउन सफल भएको छ ।
आफ्नो ग्राहक तथा शुभचिन्तकलाई थप मनोरञ्जन प्रदान गर्न नयाँ वर्ष २०८१ को पहिलो महिना पारेर यही वैशाख १५ गते शनिवार सांगीतिक कार्यक्रम आयोजना गर्दैछ । लाउञ्जले पूराना चर्चित पप गायक गायिकालाई लिएर क्लासिक भाईब्स झल्किने गरी ‘ब्याक टु नाइन्टिज’ नामक भव्य र सभ्य कार्यक्रम आयोजना गर्न लागेको हो ।
कार्यक्रममा ९० दशकका चर्चित गायकहरु सञ्जय श्रेष्ठ, सञ्जिव प्रधान, ज्योति घिमिरे, जेम्स प्रधान, सुमन श्रेष्ठ, कविन्द्र श्रेष्ठ, रविन महर्जन लगायत सुरक्षा मल्लले आफ्नो चर्चित गीतमार्फत भरपूर मनोरञ्जन दिन जुटिसकेका छन् ।
कासा लाउञ्जले विगतमा चर्चित तर हाल गुमनाम रहेका गायक गायिकालाई पनि लिएर आउने दिनहरुमा थप कार्यक्रमहरू गर्दै लैजाने कासा लाउञ्जका प्रबन्ध निर्देशक राम प्यारा श्रेष्ठले जानकारी दिए । दरबारमार्गको मुटुमै रहेको यस लाउञ्जमा पुराना चर्चित कलाकारहरुको प्रस्तुतिले अझ थप चर्चा कमाउने अपेक्षा लिइएको छ ।
Comments are closed.