काठमाडौं । सिद्धार्थ हस्पिटालिटीले नेपाल र नेदरल्यान्ड बिचको क्रिकेट खेलमा सबैभन्दा बढी रन बनाउने नेपाली खेलाडीको नाम सही अनुमान गर्ने दुई भाग्यशालीलाई एक रातको लागि निःशुल्क रुम तथा ब्रेकफास्ट प्रदान गर्ने घोषणा गरेको छ ।
पछिल्लो समय नेपालमा बढ्दै गएको क्रिकेटको क्रेज र नेपाली टोलीले विश्वकप खेल्न लागेको खुसियालीमा यो घोषणा गरिएको बिजनेस डेभलपमेन्ट डाइरेक्टरले बताए । यस विशेष अफरले नेपाली क्रिकेटप्रेमीलाई खेलसँग अझ नजिक ल्याउने र खेलाडीलाई पनि उत्साहित गर्ने लक्ष्य राखेको छ ।
यो अफरमा भाग लिन चाहनेले खेल सुरु हुनु अगाडि आफ्नो अनुमान सिद्धार्थ हस्पिटालिटीको फेसबुक पेज तथा अन्य सोशल मिडिया पेज मार्फत पठाउन सक्नेछन् । सही अनुमान गर्ने दुई जना भाग्यशालीलाई सिद्धार्थ हस्पिटालिटीको आउटलेटमा एक रातको लागि निःशुल्क रुम तथा ब्रेकफास्टको सुविधा प्रदान गरिनेछ ।
सिद्धार्थ हस्पिटालिटिले आफ्ना सबै शाखामा नेपाल सहभागी हुने सबै खेलमा यस्तै प्रकारको अफर राखेको र अन्य देशको खेलमा समेत विभिन्न उपहारको घोषणा गरेको छ । यस अभियानको मुख्य उद्देश्य नयाँ खेलाडीलाई प्रोत्साहन प्रदान गर्नुका साथै खेलप्रेमीलाई मनोरञ्जन प्रदान गर्नु रहेको छ ।
सिद्धार्थ हस्पिटालिटिले यसअघि पनि विभिन्न खेलकुद गतिविधिलाई प्रोत्साहन गर्न विभिन्न कार्यक्रमहरु गर्दै आएको छ र आगामी दिनमा पनि यस्ता कार्यक्रमहरु गर्दै जाने योजना रहेको जानकारी दिएको छ ।
Comments are closed.