पोखरा । पुन समाज पोखरा तारो समितिले आयोजना गरेको प्रथम स्थानीय अन्तर समाज तारो खेल (भेजो) प्रतियोगिताको उपाधी पुन समाज पोखरा ‘ए’ ले जितेको छ । उपबिजेता म्याग्दी मगर समाजलाई १३३ का विरुद्ध १३८ अंक प्राप्त गर्दै उपाधी हात पारेको हो ।
प्रतियोगितामा १२५ अंकसहित नेपाल छन्त्याल समाज नदीपुरले तेस्रो स्थानमा चित्त बुझाउनु प¥यो । पुन समाज नेपालले भुमे पर्व २०८१ को अवसर पारी तारो समितिको आयोजनामा प्रथम पटक स्थानीय अन्तर समाज तारो खेलको आयोजना गरेको हो ।
प्रतियोगितामा प्रथम हुने पुन समाज पोखरा ‘ए’ ले नगद ५० हजार, ट्रफी, मेडल र प्रमाणपत्र, दोश्रो हुने म्याग्दी मगर समाजले नगद ३० हजार, ट्रफी, मेडल र प्रमाणपत्र र तेश्रो हुने नेपाल छन्त्याल समाज नदीपुरले नगद २० हजार ट्रफी, मेडल र प्रमाणपत्र प्राप्त गरे । प्रतियोगितामा हाइस्कोर गणेश पुन र हाइ खोलको उपाधी राजु छन्त्यालले हात पार्दै कार्वन एरो प्राप्त गर्न सफल भए । त्यसैगरी जोर खोल गर्ने राजु छन्त्याल र सनम पाइजा पुनलाई समेत सम्मान गरिएको छ ।
प्रतियोगिताका बिजेता तथा सम्मानितलाई कार्यक्रमका प्रमुख अतिथि पुन समाज नेपालका केन्द्रीय वरिष्ठ उपाध्यक्ष पूर्णबहादुर गर्बुजा पुन, पुन समाज नेपाल पोखराका अध्यक्ष राजकुमारी पुन, पुन समाज पोखरा तारो समितिका अध्यक्ष जित पुन लगायतले पुरस्कार वितरण गरेका छन् । सो अवसरमा सिक्तानी चेलीबेटी पोखरा र उल्लेरी आमा समुहले नृत्य प्रस्तुत गरेका थिए ।
Comments are closed.