भारतबाट फेरि बढेर आयो इन्धनको मूल्य

काठमाडौं । नेपाल आयल निगमले इन्धनको मूल्य बढाएको दुई दिन नबित्दै भारतीय आयल निगम (आईओसी) ले मूल्य बढाएर पडाएको छ । भारतीय आयल निगम आज ८ रुपैयाँ बढाएर पेट्रोलको नयाँ मूल्यसूची पठाएको हो ।

आइओसीले प्रत्येक अंग्रेजी महिनाको १ र १५ तारिखमा अन्तर्राष्ट्रिय बजारमा भएको घटबढअनुसारको नयाँ मूल्य सूची पठाउने गरेको छ । अन्तर्राष्ट्रिय बजारमा कच्चा तेलको मूल्य बढेकाले नेपालले खरिद गर्ने प्रशोधित तेलको मूल्यसमेत बढेको निगमले जनाएको छ। आईओसीले आज पठाएको मूल्यअनुसार पेट्रोल प्रतिलिटर ८ रुपैयाँ, डिजेलमा ४ रुपैयाँ र हवाई इन्धनमा ७ रुपैयाँ बढेर नयाँ मूल्यसूची आएको छ ।

नेपाल आयल निगमले वैशाख ३१ गते मात्रै पेट्रोल, डिजेल र मट्टितेलमा प्रति लिटर १० रुपैयाँको दरले मूल्य वृद्धि गरेर पेट्रोल १७०, डिजेल र मट्टितेलको मूल्य १५३ रुपैयाँ पुर्‍याएको थियो। अझै पनि निगमलाई १५ दिनमा झन्डै सवा ४ अर्ब रुपैयाँ घाटा रहेको निगमले जनाएको छ ।

MANASLU

अहिलेको नयाँ मूल्यमा बेच्नमा पनि पेट्रोलमा १४ रुपैयाँ, डिजेलमा ३१ रुपैयाँ, मट्टितेलमा १२, हवाई इन्धनमा १२ रुपैयाँ र एलपीजी ग्याँसमा प्रति सिलिन्डर १ हजार ५० रुपैयाँ घाटा रहेको बताउँदै आएको छ । नयाँ मूल्य सूची अनुसार निगमको घाटा पुनः बढ्ने देखिएको छ ।

सम्बन्धित खवर
baba hardware
टिप्पणिहरु
Loading...