काठमाडौं । प्रभु क्यापिटल लिमिटेडले नेपाली नयाँ वर्ष २०८२ को लागि तयार गरेको डिजिटल क्यालेन्डर सार्वजनिक गरेको छ ।
नेपाल पञ्चाङ्ग निर्णायक विकास समितिबाट स्वीकृत मितिहरू, सार्वजनिक बिदाहरू, तिथि, नेपाली र अंग्रेजी मिति तथा नेपालीले मनाइने विविध चाँडपर्व तथा संस्कृति झल्किने तस्वीर क्यापिटलले आफ्नो सेवा सुविधा समेत क्यालेन्डरमा समेटेकोे छ ।
क्यालेन्डरमा क्यापिटलले दिने सेवा बारे ग्राहकलाई सजिलै जानकारी दिनुका साथै त्यसमा ग्राहकलाई लगानी तथा वित्तीय साक्षरता सम्बन्धी सन्देश पनि दिएको छ । क्यालेन्डर डिजिटाइज गरी वेबसाइटमार्फत डाउनलोड सहितको सुबिधा दिई उपलब्ध गराएको छ भने डिजिटल माध्यमबाट सम्पूर्णमा पहुँचयोग्य बनाउन सो को क्युआर कोड सामाजिक सञ्जाल र वेबसाइटमार्फत उपलब्ध गराएको छ ।
कुनै पनि कम्पनीका प्रथमत् कर्मचारी नै ब्रान्ड एम्बेस्डर हो भन्ने मान्यता लिई क्यापिटलले कर्मचारीमार्फत नै आफ्ना सेवा तथा वित्तीय लगानीका प्रडक्ट तथा योजनाहरु क्यालेन्डरमा प्रस्तुत गरेको छ । साथै क्यापिटलले नेपाली सभ्यतामा चाँडपर्वमा उपहार तथा कोसेली दिने परम्परालाई भावी साँेचले नयाँपन दिदै, आफन्तजनलाई उपहार स्वरुप भविष्यमा लगानी वृद्धि हुदै जाने खालका वित्तीय साधनहरु दिएमा वित्तीय समृद्धि तथा भविष्यमा उनीहरुले वित्तीय सुरक्षा समेत पाउन सक्छन् भन्ने वित्तीय साक्षरताको सन्देश पनि दिएको छ ।
मर्चेन्ट सम्बन्धी विभिन्न सेवा, सुविधा तथा योजनामा २ लाख ६० हजार बढी ग्राहक भएको प्रभु क्यापिटलले कमलादीस्थित कर्पोरेट कार्यालय तथा प्रभु बैंकको सम्पूर्ण शाखा कार्यालयबाट डिम्याट खाता खोल्ने सुबिधा दिएको छ भने ग्राहकले अनलाईन मार्फत समेत डिम्याट तथा पिएमएसको सेवा लिनसक्ने छन् ।
क्यापिटलले हालमा लगानीका नयाँ product हरु SIF/Corporate Advisory तथा SIP थपेको छ भने सचेतना अभिवृद्धिका लागि समय–समयमा सेयर तथा पुँजी बजारसंग सम्बन्धित तालिम, वर्कसप तथा सचेतना कार्यक्रमहरु सञ्चालन गर्दै आइरहेको छ ।
Comments are closed.