काठमाडौं । मुक्तिनाथ विकास बैंकका प्रमुख कार्यकारी अधिकृत (सिइओ) प्रध्युमन पोखरेल ‘कर्पोरेट बिजनेस एक्सेलेन्सी अवार्ड’ बाट सम्मानित भएका छन् ।
उपराष्ट्रपति नन्दबहादुर पुनको आतिथ्यतामा कर्पोरेट म्यागजिनले मंगलबार होटल र्याडिसनमा आयोजना गरेको ‘कर्पोरेट बिजनेस अवार्ड’ समाहरोमा सिइओ पोखरेल सम्मानित भएका हुन् ।
उनलाई उक्त अवार्ड उपराष्ट्रपति पुनले वितरण गरेका थिए । कार्यक्रममा ईश्वरलाल प्रतिष्ठानका अध्यक्ष प्रदिपलाल श्रेष्ठ, नेपाल चेम्बर अफ कमर्सका उपाध्यक्षद्वय उर्मिला श्रेष्ठ एवं दिपक मल्होत्रा, नेपाल चेम्बर अफ कमर्सका पूर्व अध्यक्ष सुरेन्द्रवीर मालाकार, नेपाल उद्योग वाणिज्य महासंघका उपाध्यक्ष दिनेश श्रेष्ठ, पूर्व उपाध्यक्ष उमेशलाल श्रेष्ठ, कार्यकारिणी सदस्य हेमराज ढकाल, डिस होमका प्रबन्ध निर्देशक सुदिप आचार्यलगायतको उपस्थिती रहेको थियो ।
Comments are closed.