पोखरा । राष्ट्रिय स्वतन्त्र पार्टीका सभापति रवि लामिछानेले पुस ७ गते शनिबार कास्कीमा आयोजित दुई वटा सभालाई सम्बोधन गर्ने भएका छन् ।
माछापुच्छ्रे गाउँपालिका र पोखरामा आयोजना हुने सभामा सभापति लामिछानले सम्बोधन गर्ने कार्यक्रम रहेको पार्टीका प्रदेश प्रवक्ता विकास भुर्तेलले जानकारी दिए ।
माछापुच्छ्रेको लाहाचोकस्थित महेन्द्र माविको खेलमैदानमा हुने सभालाई बिहान ११ बजे र पोखराको अमरसिंहचौरमा हुने सभालाई दिउसो २ बजे सभापतिले सम्बोधन गर्ने कार्यक्रम तय भएको बताइएको छ ।
त्यस्तै जिरो किमीमा रहेको पार्टी प्रदेश कार्यालयको समेत सभापति लामिछानेले उद्घाटन गर्नेछन् ।
Comments are closed.