काठमाडौं । राष्ट्रिय वाणिज्य बैंक लिमिटेडले ७.७७ प्रतिशत ब्याजदरमा निजी गाडी कर्जा योजना ल्याएको छ ।
नजिकिदैं गरेको नेपालीको महान चाडपर्व उत्सव योजना अन्तर्गत ७.७७ प्रतिशत स्थिर ब्याजदरमा निजी सवारी (रातो प्लेट) प्रयोजनको लागि “Festive Offer of Vehicle Loan” गाडी कर्जा योजना ल्याएको हो । मासिक किस्ताबन्दीमा कर्जा भुक्तानी गर्ने गरी बैंकले अधिकतमा १ करोड रुपैयाँसम्म कर्जा लगानी गर्नेछ । कर्जा रकमको ०.५० प्रतिशत सेवा शुल्क लाग्नेछ ।
गाडीको कोटेशनमा अंकित मुल्यको विद्युत्तिय गाडी (इभी)को हकमा बढीमा ८० प्रतिशत र पेट्रोल तथा डिजेल गाडीको हकमा बढीमा ५० प्रतिशतसम्म बैंकले कर्जा लगानी गर्नेछ । बढीमा ७ वर्ष सम्म कर्जा अवधि दिइने यो योजना २०८१ भदौ १ देखि कातिक मसान्तसम्म मात्र लागू हुनेछ । यो योजना अन्तर्गत कर्जा लिइएका ग्राहकको कर्जा अवधिभर ब्याजदर परिवर्तन हुने छैन ।
निवेदन दिएको ७ कार्य दिन भित्रमा निर्णय दिने यस योजनामा गाडी कर्जा सम्बन्धी अन्य प्रचलित नियमहरु आकर्षित हुनेछ । यो कर्जा बैंकका सम्पूर्ण शाखा कार्यालयबाट लिन सकिनेछ । बैंकको सातै प्रदेश, ७७ वटै जिल्लामा २९४ वटा शाखा कार्यालय, ३१० वटा एटिएम र ७३ वटा एक्स्टेन्सन काउन्टर रहेको छ ।
Comments are closed.