काठमाडौं । नेपालका उपभोक्तालाई अन्तर्राष्ट्रिय गुणस्तरको ऊर्जा पेय उपलब्ध गराउँदै आएको ‘रेड बुल नेपाल’, अब आईएसओ २२०००ः२०१८ प्रमाणित बनिसकेको छ ।
सरस बेभरेजद्वारा सञ्चालित अमरापुरीस्थित अत्याधुनिक उत्पादन केन्द्रले विश्वव्यापी खाद्य सुरक्षा व्यवस्थापन प्रणालीको मान्यता प्राप्त मापदण्ड पूरा गर्दै यो प्रतिष्ठित प्रमाणपत्र हासिल गरेको हो ।
यो उपलब्धिले रेड बुलको हर एक क्यानमा गुणस्तर, सरसफाइ र उपभोक्ता सुरक्षाप्रतिको गहिरो प्रतिबद्धता प्रस्टसँग उजागर गर्दछ ।
सुरक्षा, गुणस्तर र पारदर्शिताको प्रत्याभूति
आईएसओ २२००० प्रमाणपत्रले कच्चा पदार्थको छनोटदेखि अन्तिम प्याकेजिङ्गसम्मका सम्पूर्ण प्रक्रियालाई अन्तर्राष्ट्रिय खाद्य सुरक्षा मापदण्ड अनुसार संचालन गरिएको पुष्टि गर्दछ । यो प्रमाणिकरणको साथ, रेड बुलले उपभोक्ताप्रति भरोसा दिलाउने पेयको रुपमा आफ्नो स्थानलाई झनै मजबुत बनाएको छ । जसलाई ढुक्क भएर पिउन सकिन्छ ।
नेपालमै बनेको, विश्वस्तरीय ब्राण्ड
रेड बुल एनर्जी ड्रिंक नेपालमै सरस बेभरेज द्वारा उत्पादन हुँदै आएको छ । अमरापुरीस्थित यो ग्रिनफिल्ड उत्पादन केन्द्र अत्याधुनिक प्रविधि, पूर्ण स्वचालित प्रणाली, र विश्वस्तरका सुरक्षा तथा वातावरणीय प्रोटोकलहरूमा आधाारित रहेर सञ्चालन हुँदै आइरहेको छ । कारखानाको आधाभन्दा बढी ऊर्जा आवश्यकताहरू नवीकरणीय स्रोतबाट पूरा गरिन्छ । जसले रेड बुलको दिगो उत्पादनप्रतिको प्रतिबद्धतालाई प्रस्ट पार्दछ ।
सरस बेभरेजका प्रबन्ध निर्देशक सुरेन्द्र सिलवाल आईएसओ २२००० प्रमाणपत्रले हाम्रो अन्तर्राष्ट्रिय मापदण्ड अनुरूपको दक्षता र प्रतिबद्धतालाई पुष्टि गरेको बताए । अमरापुरी कारखाना रेड बुललाई नेपालमा अझ बढी विश्वासिलो र गर्विलो ब्राण्डका रूपमा स्थापित गर्न सहयोगी बन्ने उनको भनाइ छ ।
विश्वस्तरको निर्माण, स्थानीय आत्मविश्वास
आईएसओ २२००० प्रमाणिकरण प्राप्त गरेसँगै, नेपाल अब रेड बुल उत्पादन गर्ने विश्वका पाँच देशहरूमध्ये एक बन्न पुगेको छ । जुन आफैमा रेड बुलको नेपालप्रतिको विश्वासको प्रमाण हो । यो पहलले स्थानीय रोजगारी र आर्थिक वृद्धिमा टेवा दिने मात्र नभई नेपाल थाइल्याण्डबीचको व्यापारिक सहकार्यलाई समेत मजबुत बनाउँछ । रेड बुल नेपालले यो उपलब्धिलाई आफ्ना आगामी सञ्चार सामग्री, विज्ञापन र ब्रान्ड संवादहरूमा प्रमुख रूपमा प्रस्तुत गर्ने योजना बनाएको छ ।
Comments are closed.