काठमाडौं । सेल्सवेरी डिपार्टमेन्ट स्टोर्सले अनलाइन प्लेटफर्म इकमर्स सार्वजनिक गरेको छ । सेल्सवेरीका सिइओ सुशिलमान प्रधानाङले सोमबार पत्रकार सम्मेलन गरि सो अनलाइन प्लेटफम ‘इकमर्स ‘ सार्वजनिक गरेका हुन् ।
यससँगै सेल्सवेरीले विभिन्न अफर पनि सार्वजनिक गरेको छ । अफर अन्गर्तत ५ हजाभन्दा बढीको सामन किनेमा फ्रि डेलिभरी को सुविधा ग्राहकले पाउनेछन् भने रिफर एण्ड अर्न अफर पनि सेल्सवेरीले ल्याएको छ जसमा सेल्सवेरीको साइट मार्फत लग इन गरि युजर आइडी बनाई रिफर कोड प्राप्त गरि क्वाइन कलेक्ट गर्न सकिने छ ।
सो प्लेटफर्ममार्फत घरायसी सामान, खाद्य सामग्री लगायतका ४ हजारभन्दा धेरै सामान खरिद गर्न सकिने जनाइएको छ । ग्राहकले काठमाडौंमा रहेका सितापाइला, सातदोवाटो, महाराजगंजबाट र पोखराको चिप्लेढुङ्गाबाट होम डेलिभरीको सुविधा प्राप्त गर्न सक्नेछन् । भुक्तानीका लागि फोन पे, क्यास अन डेलिभरी, इ सेवा, कार्ड पेमेन्ट लगायतका सुविधा रहेका छन् ।
भौतिक व्यवसाय गरिरहेको सेल्सवेरीले कोरोना महामारीपछि समयको माग अनुशार अनलाइन मै जानूपर्ने आवस्यकता महसुस गरि अनलाइन प्लेटफर्म इकमर्स संचालनमा ल्याएको सिइओ प्रधानाङले बताए ।
आगामी ३ महिना भित्र महाराजगंजमा सुविधा सम्पन्न स्टोर्स संचालनमा ल्याउने उनले बताए । सपिङ वीथ सर्भिस, सपिङ वीथ रिक्रिएसन्सको थिम अनुशार स्टोर्समा रेष्टुरेन्ट, स्विमिङ पुल, स्पा, ज्याकुजी, लगायतका सुविधा रहने प्रधानाङले जानकारी दिए ।
Comments are closed.