सानिमा क्यापिटल लिमिटेड तथा सानीमा बैक लिमिटेडले आफ्ना शेयरधनीहरुलाई डिम्याट खाता नविकरणको शुल्क बुझाउन अनुरोध गरेको छ ।
बैंकले एक सूचना जारी गर्दै सानिमा क्यापिटल लिमिटेड तथा सानिमा बैंक लिमिटेडको शाखा कार्यालयहरू मार्फत डिम्याट खाता खोलेका सम्पूर्ण हितग्राहीहरुलाई आर्थिक वर्ष २०७८/७९ सम्मको डिम्याट खाता सञ्चालन गरे बापत वार्षिक शुल्क प्रत्येक आर्थिक वर्ष १०० का दरले भुक्तानी गर्नुपर्ने व्यवस्था अनुसार २०७९ असार मसान्तभित्र उक्त शुल्क बुझाउन अनुरोध गरिएको हो ।
तोकिएको समयमा वार्षिक शुल्क भुक्तानी नगरेमा डिम्याट खाता स्वतः बन्द हुने कम्पनीले जनाएको छ ।मेरो सेयर सेवा लिइरहेका हितग्राही महानुभावहरुले सो सेवा सञ्चालनमा आएको एक वर्षको अवधिभित्र नविकरण गरी सक्नुपर्ने र सो समयवधिभित्र नविकरण नभएमा उक्त सेवा स्वतः बन्द हुने समेत क्यापिटलले जनाएको छ ।
उक्त रकम भुक्तानीका लागि ग्राहकहरुले सानिमा क्यापिटल लिमिटेड तथा सानिमा बैंक लिमिटेडको आफूलाई पायक पर्ने नजिकैको शाखा कार्यालयहरूबाट भुक्तानी गर्न सक्नेछन् ।
आर्थिक वर्ष २०७८/७९ सम्मको डिम्याट खाता खोल्लेका हितग्राहीहरुले यहि असार मसान्तभित्र शुुल्क बुझाइ आफ्नो खाता सुुचारु राख्न बैंकले अनुरोध गरेको छ । समय सिमा भित्र शुल्क नबुझाउने हितग्राहीहरुको डिम्याट खाता फ्रिज भएर रहने समेत सूचनामा उल्लेख गरेको छ ।
Comments are closed.