पहिलो पटक शुक्रबार पनि खुल्यो सेयर बजार !

 

काठमाडौं । नेपालमा पहिलो पटक (आज) शुक्रबार पनि सेयर बजार खुला भएको छ । जेठ १ गतेदेखि सातामा दुईदिन शनिबार र आइतबार सार्वजनिक बिदा कार्यान्वयनमा आएसँगै सेयर बजार कारोबार समयमा फेरबदल आएको हो ।

सेयर कारोबार सातामा पाँच दिन हुन्छ । यसअघि आइतबारदेखि बिहीबारसम्म हुने कारोबार अब आइतबार बिदा भएपछि शुक्रबारका लागि सारिएको हो ।

केही साना र कम कारोबार हुने मुलुकहरूलाई छाडेर अधिकांश मुलुकहरुमा शनिबार र आइतबार बन्द भएर सोमबारदेखि शुक्रबार नै सेयर कारोबार हुने गरेको छ । जुन अल्पकालिनका लागि भनिए पनि नेपाल कार्यान्वयनमा ल्याएको छ ।

बैशाख १३ गतेको मन्त्रिपरिषद्को निर्णय बमोजिम बजार खुल्ने समय हेरफेर गरेको थियो । कारोबारको समय भने परिवर्तन गरिएको छैन । सेयर बजारको कारोबार समय ११ बजेबाट ३ बजेसम्म तोकिएको छ ।

You might also like

Comments are closed.