काठमाडौं । सिद्धार्थ बिजनेश ग्रुप अफ हस्पिटालिटी स्थापनाको २३औं वर्ष प्रवेश गरेको छ । कैलालीको टीकापुरबाट २०५४ माघ २३ देखि सेवा सुरु गरेको कम्पनीले अहिले देशभर सेवा विस्तार गरिसकेको छ ।
वार्षिकोत्सवको अवसरमा कम्पनीले सेवा गर्ने मौका दिने सम्पूर्ण संघसंस्था, ग्राहक, कर्मचारी, सहयोगी, मिडिया, लगानीकर्ता, वित्तीय संस्थाहरु लगायत सबैमा आभार तथा धन्यवाद ज्ञापन गरेको छ ।
सेवा विस्तारको क्रममा ग्रुप अन्तर्गत २८ वटा कम्पनी पुगिसकेका छन् । होटल, खाद्यान्न, कृषि फार्म, हस्पिटालिटी ट्रेनिङ, आइटी लगायत विभिन्न कम्पनीहरु सञ्चालनमा छन् । ‘पश्चिम महेन्द्रनगरदेखि पूर्व बिर्तामोडसम्म ग्रुप अन्तर्गतका कम्पनीहरुले सेवा प्रदान गरिरहेका छन्,’ ग्रुपका प्रमुख कार्यकारी अधिकृत कृष्ण न्यौपानेले भने ।
कम्पनीले प्रदान गर्ने सेवाहरुमा वार्षिकोत्सवको अवसरमा विशेष छुट र विभिन्न अफर प्रदान गरिएको न्यौपानेले जानकारी दिए ।
Comments are closed.