काठमाडौं । नेपाल वितरक संघले ‘वर्ष वितरक सम्मान २०८२’ एस.पि. ढकाललाई प्रदान गरेको छ । शनिबार काठमाडौंमा आयोजित संघको २४औं वार्षिक साधारणसभाको अवसरमा ढकाललाई सम्मान गरिएको हो ।
पछिल्लो समय उद्योगमा लगानी बढाइरहेका ढकाल नेपाल वितरक संघका पूर्व अध्यक्ष समेत हुन् । ढकालसँग जागिर, वितरक, आयात र उद्योग सञ्चालनको अनुभव छ । उनी ब्रजेश्वरी ग्रुपका फाउण्डर हुन् । वितरण व्यवसाय लगायत उद्यममा लाग्नेहरुका लागि ढकाललाई प्रेरणाको स्रोत मान्न सकिन्छ ।
संघका अध्यक्ष रामहरि घिमिरेको अध्यक्षतामा आयोजित कार्यक्रममा प्रमुख अतिथि प्रतिनिधिसभा सदस्य तथा अर्थ समिति सभापति सन्तोष चालिसेले ढकाललाई सम्मान प्रदान गरेका हुन् ।
Comments are closed.