फिस्टेल डेरीको उत्पादन ‘नोभा’ उपभोक्तामाझ लोकप्रिय छः ध्वजू

सुरेश कुमार ध्वजू, अध्यक्ष, फिस्टेल डेरी

पोखरा औद्योगिक क्षेत्रमा रहेको फिस्टेल डेरीले नोभा ब्राण्डमा दूध, दही, नौनी, पनिर, ध्यू, आइसक्रिम लगायतको उत्पादन र बजारीकरण गर्दै आइरहेको छ । फिस्टेल डेरी गण्डकी प्रदेशकै ठूलो डेरी उद्योगहरुमध्येमा पर्छ । यसैक्रममा डेरीका अध्यक्ष सुरेशकुमार ध्वजूसँग दुग्ध दिवसको अवसरमा आर्थिक आवाजले गरेको कुराकानी यहाँ प्रस्तुत गरेका छौंः

फिस्टेल डेरीका कुन–कुन उत्पादन बजारमा पुगिरहेको छ ?
वि.स. २०६४ साल मंसिर २९ गतेबाट हामीले यो उद्योग सञ्चालन गरेका हौं । शुरुमा हामीले दूध र दहीको मात्र उत्पादन र बिक्री गर्दथ्यौं । बिस्तारै दूध र दहीसँगै नौनी, पनिर, ध्यू, आइसक्रिम लगायत प्रडक्टको पनि उत्पादन र बिक्री गरिरहेका छौं ।

फिस्टेलका उत्पादन कहाँ–कहाँ पुग्छ ?
हाम्रो उत्पादनहरु पोखरा, लेखनाथ, तनहुँ, लमजुङ, गोर्खा, चितवन, बागलुङ, म्याग्दी, स्याङ्जा, पाल्पालगायतका जिल्लामा पुग्ने गरेका छन् । पाल्पा, नवलपरासी, चितवन, तनहुँलगायतका स्थानबाट हामीले दूध संकलन गर्दछौं । नोभा ब्राण्डबाट हामीले दूध, दही आइसक्रिम, पनिर बिक्री गरिरहेका छौं । हामीले यो ब्राण्डलाई राष्ट्रियस्तरमा चिनाएका छौं । काठमाडौंमा पनि यो ब्राण्ड परिचित छ ।

फिस्टेलका उत्पादनप्रति उपभोक्ताको आकर्षण कस्तो छ ?
हामी स्वास्थ्यप्रति संवेदनशील छौं । गुणस्तरीय उत्पादनमा जोड दिन्छौं । हामीले आइसक्रिमको नयाँ भेराइटीहरु पनि बजारमा ल्याएका छौं । उपभोक्ताले हाम्रो उत्पादनलाई मन पराउनुभएको छ । दूध तथा दही पुगेको ठाउँमा आइसक्रिम पनि पुग्छ । ताजा र स्वच्छ दूधलाई प्रशोधन गरेर उपभोक्ता माझ पठाउँछौं । पोखरामा मात्र करिब ५ सयभन्दा बढी पसलले हाम्रो उत्पादन बिक्री गर्दछन् ।

हाम्रो उद्देश्य भनेको उपभोक्ताको मागअनुसाका सामान उत्पादन गर्ने हो । गुणस्तरियता र स्वच्छता हामीले कायम गरेका छौं । अन्तर्राष्ट्रियस्तरका तथा उच्च गुणस्तरिय सामान उत्पादन गर्दै आएका छौं । हाम्रो उत्पादन प्रयोग गर्ने उपभोक्ताबाट हामीले राम्रो र सकारात्मक प्रतिक्रिया पाइरहेका छौं ।

डेरी सञ्चालन गर्दा सुरुको अवस्था कस्तो थियो ?
सुरुमा लगानी गर्दा साथीभाइ मिलेर थोरै लगानीमा गरेका थियौं । पहिले दैनिक ४/५ सय लिटर मात्र उत्पादन गर्दथ्यौं । उपभोक्तको मागअनुसार उत्पादन बढाउँदै लगेका छौं । बजारको मागअनुसार हामीले उत्पादनलाई पनि बढाउँदै ल्याएका छौं ।

बजारमा दूधको माग कस्तो छ ?
नेपाली किसानबाट ल्याइने लोकल दूधको उत्पादन र उपभोक्तको माग ठिक उल्टो छ । गर्मीमा दही तथा आइसक्रिमको प्रयोग बढी हुन्छ र दूधको माग पनि बढी हुन्छ । जाडो समयमा दही तथा आइसक्रिमको प्रयोग कम हुने हँुदा दूधको माग पनि कम हुन्छ । नेपालमा जाडो समयमा बढी दूध उत्पादन हुन्छ ।

पोखरा क्षेत्रमा डेरीको अवस्था कस्तो छ ?
पछिल्लो समय यस क्षेत्रमा प्रतिस्पर्धा बढेको छ । सानो ठुला गरी १५ भन्दा बढी उद्योगहरु सञ्चालनमा छन् । उपभोक्ताको माग धान्न सक्ने गरी दूध बजारमा पुगिरहेको छ । डेरीबाट हजारौंले रोजगारी पाइरहेका छन् भने स्वच्छ दूध खान पाउने उपभोक्ताको अधिकार पनि पूरा भइरहेको छ ।

You might also like

Comments are closed.