काठमाडौं । बालाजु चैमतीस्थित विष्णुमती नदी किनारमा वृक्षरोपण गरिएको छ । शनिबार लायन्स क्लब्स इन्टरनेशनल डिष्ट्रिक्ट ३२५ जे नेपाल अन्तर्गत बागमती क्षेत्रका लायन्स क्लबहरुको संयुक्त आयोजनामा वृक्षरोपण कार्यक्रम सम्पन्न भएको डिष्ट्रिक्टका चिफ मार्केटिङ शोभाकान्त बस्यालले जानकारी दिए ।
डिष्ट्रिक्टका फस्ट भाइस गभर्नर मिलनबाबु मल्लको प्रमुख आतिथ्यतामा तथा चिफ एडभाइर कुश मल्लीको विशेष तथा इन्भाइरोमेन्ट चिफ लेखनाथ पौडेलको संयोजकत्वमा कार्यक्रम भएको हो । ‘वातावरणीय स्वच्छता र भूसंरक्षणका लागि वृक्षरोपण’ नाराका साथ कार्यक्रम आयोजना गरिएको डिष्ट्रिक्टले जनाएको छ । डिष्ट्रिक्ट गभर्नर मिलन थापाले आफ्नो वार्षिक कार्यक्रम अन्तर्गत वृक्षरोपणलाई पनि प्राथमिकतामा राखेकी छन् ।
डिष्ट्रिक्ट अन्तर्गत बागमती क्षेत्रसहित सबै जिल्लाहरुमा कार्यक्रम भएको बताइएको छ ।
Comments are closed.