काठमाडौं । गहुँ आयातमा सहजीकरण गर्न उद्योगीहरुले सरकार समक्ष माग गरेका छन् । गहुँ तथा मैदाको अभावले मैदाजन्य उद्योगहरु धरासयी बनेको र अधिकाँंश उद्योगहरु बन्द हुने अवस्थामा रहेको भन्दै उद्योगीहरुले सरकारलाई तत्काल गहुँ आयात सहज गराउन माग गरेका हुन् ।
यसैक्रममा बिस्कुट उत्पादक संघ, चाउचाउ उत्पादक संघ, कुकिज संघ लगायतका संघसंस्थाहरुको टोलीले उद्योग वाणिज्य तथा आपूर्ति मन्त्री दामोदर भण्डारीसँग भेटेर गहुँ आयात सहज बनाउन माग गरेको छ । टोलीले सोही मागसहित वाणिज्य सचिव मधु कुमार मरासिनी, उद्योग सचिव डा. तोयनारायण ज्ञवाली, कृषि सचिव डा. दीपक कुमार खराललाई पनि भेटेको छ ।
संयुक्त डेलिगेशन टोलीले बिस्कुट र चाउचाउ उद्योगको लागि आवश्यक कच्चापदार्थ मैदाको सहज उपलब्धताको लागि माग गरेको टोलीमा सहभागी पशुपति भुसालले जानकारी दिए । साथै चिनी र धुलो दूध उद्योगको नाममा गहुँ तथा मैदा आयात गर्न पाउनुपर्ने पनि उनीहरुको माग छ ।
उद्योगहरुको टोलीले गहुँ तथा मैदा अभावमा उत्पन्न भएको समस्याका बारेमा नेपाली काँग्रेसका महामन्त्री एवं प्रतिनिधि सभा सदस्य गगन थापासँग पनि छलफल गरेको छ ।
Comments are closed.