पोखरा । पोखराको लेकसाइडमा रहेको फिस्टेल लजले अँग्रेजी नयाँ वर्ष २०२३ लाई लक्षित गरी विशेष कार्यक्रम गर्ने भएको छ । ३१ डिसेम्बर (१६ पुस) शनिबार फिस्टेल लजमा ‘गाला डिनर’ (अनलिमिटेड स्न्याक्स र डिनर) आयोजना गरिएको छ ।
आन्तरिक तथा बाह्य पर्यटक र पोखरा आसपासका स्थानीयलाई लक्षित गरी गाला डिनर आयोजना गरिएको जनरल म्यानेजर रोशन खवासले जानकारी दिए । लाइभ डिजेको साथमा गाला डिनर हुनेछ ।
‘अँग्रेजी नयाँ वर्षलाई विशेष कार्यक्रमसहित हर्षोउल्लासमय वातावरणमा नयाँ वर्षलाई स्वागत गर्ने तयारीमा हामी छौं,’ उनले भने ।
गाला डिनरमा सहभागी हुनका लागि एक जनाले ४ हजार ५ सय रुपैयाँ र २ जनाले ८ हजार ५ सय रुपैयाँको टिकट लिनुपर्नेछ । १० प्रतिशत सर्भिस चार्ज र १३ प्रतिशत भ्याट सोही रेटमा समावेश गरिएको छ ।
उक्त प्याकेज अन्तर्गत वेलकम ड्रिङ्क्स, लाइभ डिजे म्युजिक, बोन फायर, गाला डिनर समावेश गरिएको छ । शनिबार बेलुका ७ बजेपछि कार्यक्रम सुरु हुनेछ । १२ वर्षभन्दा तलका बालबालिकाको लागि ५० प्रतिशत छुटको व्यवस्था छ । आकर्षक लक्की ड्र कुपनको समेत व्यवस्था गरिएको लजले जनाएको छ ।
फेवातालको पारी जंगलको फेदमा लज अवस्थित छ । रिसोर्ट शैलीमा आकर्षक संरचनासहित बनेको लज पोखरा आउने आन्तरिक तथा बाह्य पर्यटकको रोजाइमा पर्ने गरेको खवास बताउँछन् ।त्यसैगरी, बस्न चाहने पर्यटकलाई लक्षित गरी लजले ‘न्यु इअर प्याकेज’ समेत ल्याएको छ ।
Comments are closed.