जेठ महिनामा मात्र करिव डेढ लाखले गरे मनकामना केवलकारमा यात्रा

काठमाडौं ।  आ.ब २०७९/८० को जेठ महीनाको यात्रीहरूको संख्या झनडै १ लाख ५० हजार पुगेको मनकामना दर्शन प्रा.लि ले जनाएको छ । २५ बर्षको इतिहासमा सवैभन्दा धेरै मासिक यात्रा गर्नेको कीर्तिमान क़ायम भएको हो । यस आ.ब को ११ महिनामा, अहिले केवलकारले १० लाख २१ हजार २३९ यात्रुलाई केवलकार सेवा प्रदान गरेको बताइएको छ ।

यस अघि आ.ब २०७५/७६ मा जेठ महीनामा १ लाख ३५ हजार ७२ को मासिक रेकर्ड थियो । यस आ.ब को जेठमहीनाको औसत प्रति दिन यात्रु ४ हजार ७ सय रहेको छ ।

भारतीय यात्रुहरुको उल्लेख्य वृद्धि भएको र यस आ.ब को ११ महीनामा कुल २ लाख ६९ हजार ७ सय ६० (२६.४१) भारतीय हरुले मनकामना भ्रमण गरेका छन् । पहिलो नंबरमा ७ लाख ५ हजार ५९३ (६९.०८) सहित नेपाली यात्रु छन् ।  यस आ.ब मा अनुमानीत १०लाख ५० हज़ार यात्रीको संख्या ११ लाख ५० हज़ार पूग्ने अनुमान गरिएको छ ।

सम्पूर्ण यात्रुले दिएको सहयोग र सद्भाव प्रति हार्दिक मनकामना दर्शन प्रा.लि ले आभार प्रकट गरेको छ भने आगामी दिनमा अझै स्तरीय सेवा दीने प्रण गरेको छ ।

You might also like

Comments are closed.