पोखरा । पोखराको लेकसाइडमा सञ्चालित ‘होटल माउन्ट कैलाश रिसोर्ट’को लगानी भएको छ । सन् २००९ बाट सञ्चालित रिसोर्टलाई समय समयमा ‘अपग्रेड’ गर्ने क्रममा पछिल्लो समयमा नयाँ भवनसहितका संरचना थपेर लगानी विस्तार गरिएको हो ।
सञ्चालक नरेश भट्टराईले माउन्ट कैलाशलाई पोखरा क्षेत्रकै उत्कृष्ट होटलका रुपमा बिस्तार गर्न सफल भएका छन् । २४ वटा रुमबाट सेवा सुरु गरेको रिसोर्टमा अहिले ८२ वटा रुम पुगेका छन् । पछिल्लो समय रिसोर्टमा २८ वटा रुप थपिएका छन् । नयाँ भवनसहितको संरचनामा ३५ करोड रुपैयाँ भन्दा बढी लगानी थप भएको सञ्चालक भट्टराईले जानकारी दिए । थप भएको विल्डिङबाट पोखरालाई ३६० डिग्रिमा चारैतिरबाट हेर्न सकिन्छ ।
‘पोखरा आउने आन्तरिक तथा बाह्य पर्यटकलाई रिसोर्टबाट उत्कृष्ट सेवा प्रदान गर्न हामी सफल छौं,’ भट्टराईले भने, ‘लगानी बिस्तार भएसँगै अझै परिस्कृत ढंगबाट सेवा प्रदान सुरु भएको छ ।’ सुरुमा ७ करोड रुपैयाँ लगानीबाट सञ्चालनमा आएको रिसोर्टमा हालसम्म एक अर्ब भन्दा बढी लगानी भइसकेको बताइएको छ ।
रिसोर्टलाई आधुनिक र सुविधा सम्पन्न बनाउने क्रममा समय समयमा लगानी विस्तार गरिएको बताउँछन् भट्टराई । पर्याप्त पार्किङ, स्वीमिङपुल, स्पा, जिम लगायतको सेवा रिसोर्टमा छ । कार्यक्रमका लागि २ वटा हल छन् ।
रिसोर्टले समय समयमा राष्ट्रिय तथा अन्तर्राष्ट्रिय विभिन्न अवार्डहरुसमेत जित्न सफल छ । फ्रान्सको राजधानी पेरिसमा ‘वर्ल्ड क्वालिटी कमिटमेन्ट अवार्ड गोल्ड क्याटागोरी’ प्राप्त गरेको रिसोर्टले युकेबाट ‘वेस्ट इन्टरप्राइजेज अवार्ड’ प्राप्त गरिसकेको छ । रिसोर्टले ‘मेनेजर अफ द इयर मेडल’ समेत जितिसकेको छ ।
‘हाम्रो स्तरीय सेवाबाट पर्यटकहरु खुसी हुन्छन् । पोखरामा आयोजना हुने विविध कार्यक्रमका लागि पनि रिसोर्ट पहिलो रोजाईमा पर्ने गरेको छ,’ भट्टराईले भने । कर्मचारीलाई समेत रिसोर्टले देश तथा विदेशमा भ्रमणका लागि पठाउने गरेको छ । रिसोर्टले कर्मचारीलाई वर्षेनी सम्मान गरेर प्रोत्साहन समेत गर्दै आइरहेको छ ।
Comments are closed.