पोखरा । भुटानको ड्रुक एअरले पोखरामा अन्तर्राष्ट्रिय उडान गर्ने भएको छ । आगामी भदौ २३ गते एअरले भुटानको पारो अन्तर्राष्ट्रिय विमानस्थलबाट पोखरा अन्तर्राष्ट्रिय विमानस्थलमा सिधा उडान गर्नेछ ।
एअरले चार्टर्ड उडान गर्ने तयारी गरेको हो । उक्त चार्टर्ड उडानको रिपोर्टका आधारमा ड्रुकले भुटानबाट नियमित उडानको समेत गर्ने प्राधिकरणका सूचना अधिकारी ज्ञानेन्द्र भुलले बताए । उक्त जहार पोखराबाट पारो नै उड्नेछ ।
गत जनवरी १ मा उद्घाटन भएर पोखरा अन्तर्राष्ट्रिय विमानस्थल सञ्चालनमा आएको हो ।
यो बिमानस्थलबाट आन्तरिक उडान नियमित भएपनि अन्तर्राष्ट्रिय उडान नियमित हुन सकेको छैन ।
Comments are closed.