प्रतिभा मन्टेश्वरीको पहिलो ब्याचका विद्यार्थी दिक्षित

पोखरा, २५ चैत । पोखरा नदीपुरमा रहेको प्रतिभा मन्टेश्वरीले पहिलो ब्याचको विद्यार्थीलाई दिक्षित गरेको छ । मन्टेश्वरीले एक औपचारिक कार्यक्रम गरी यू.के.जी. उत्तीर्ण भएकाहरुलाई दिक्षित गरेको हो ।

कार्यक्रममा प्रतिभा माविका प्राचार्य विश्वगोपाल पराजुली, विद्यालयका निर्देशक बलबहादुर केसी र मन्टेश्वरीकी प्रिन्सिपल पद्मादेवी पराजुलीले दिक्षित गरेका थिए । मन्टेश्वरीको पहिलो ब्याचमा ६ जना विद्यार्थी दिक्षित भएको मन्टेश्वरीकी प्रिन्सिपल पद्मा पराजुलीले जानकारी दिइन् । त्यस्तै, पहिलो ब्याचको दिक्षान्त समारोहको अवसरमा नर्सरी, एल.के.जी. र यू.के.जी.को वार्षिक परीक्षामा प्रथम, द्वितीय र तृतीय हुने तथा विभिन्न विधामा उत्कृष्ट हुने विद्यार्थीहरुलाई पुरस्कार वितरण गरेको छ ।