पोखरा । लायन्स अन्तराष्ट्रिय डिस्ट्रक्ट ३२५ जे नेपालको डिस्ट्रिक्ट पदाधिकरी पदस्थापन तथा पहिलो क्याबिनेट बैठक पोखरामा हुने भएको छ । यहि भाद्र १ गते शनिबार पोखरा बैदामस्थित पोखरा इभेण्ट सेन्टरमा लायन्स क्लब अफ पोखरा पिस भ्यालीको आयोजनामा हुन लागेको हो ।
डिस्ट्रिक्ट गभर्नर मिलन थापाको आव्हानमा हुन गइरहेको कार्यक्रम भव्य र एतिहासिक बनाउन लायन्स क्लब अफ पोखरा पिस भ्यालीका पूर्व अध्यक्ष रामकृष्ण पौडेलको नेतृत्वमा विभिन्न उपसमिति बनाई तयारी कार्य अगाडि बढाइएको बताइएको छ। कार्यक्रमलाई फरक बनाउन यो पटक केहि व्याबसायिक स्टलहरु पनि राखिने भएको छ ।
क्लबका सस्थापक अध्यक्ष लायन सुदिप ओझाका अनुसार कार्यक्रमलाई अझ भव्य बनाउन इलाइट मोटर्स, ब्रिटिश कलेज, रिलाइन्स फाइनान्स तथा अल्फा हेल्थ एण्ड ब्युटिका साथै अन्य धेरै संस्थाहरुको साथ र सहयोग रहने छ ।
कार्यक्रम उत्कृष्ट बनाउन देशभरबाट १२०० को हाराहारी लायन सदस्यहरु भाद्र १ गते पोखरा आउने क्लबका निबर्तमान अध्यक्ष तथा जोन २५ का जोन चेयरपर्सन श्रीकृष्ण न्यौपाने बताए । आन्तरिक पर्यटनलाई पनि प्रवर्द्धनका लागि कार्यक्रम फलदायी हुने आयोजकको विश्वास छ ।
Comments are closed.