ललितपुर । फोनपे पेमेन्ट सर्भिस लिमिटेड र कर्मचारी सञ्चय कोष (इ.पी.यफ) बीच, ए.पी.आइ आधारित होस्ट–टु–होस्ट भुक्तानीको सुविधा प्रदान गर्न एक महत्वपूर्ण साझेदारी भएको छ ।
यो इन्टेग्रेशनले, कर्मचारी सञ्चय कोषको एर्प (इ.आर.पी) प्रणालीलाई फोनेपेको भुक्तानी प्रणालीसँग जोडेको छ । यसोगर्दा, कर्पोरेट भुक्तानी जस्तै, व्यवसायदेखि ग्राहक, व्यवसायदेखि व्यवसाय र व्यवसायदेखि सरकार सम्मको भुक्तानी सजिलो भएको छ । साथै, यो व्यवस्थाले फोनपेको इन्टरओपरेबल बिलर प्लेटफर्ममार्फत सापटीबाट प्राप्त रकम सङ्कलन गर्न कर्मचारी सञ्चय कोषलाई सक्षम बनाउनेछ ।
यस रणनीतिक साझेदारीको फलस्वरुप, अब कर्मचारी सञ्चयकोषमा आबद्ध सदस्यले मोबाइल बैंकिङ एप्स, इन्टरनेट बैंकिङ र ओम्नि च्यानल वेबसाइटमार्फत सजिलै आफ्नो भुक्तानी गर्न सक्नेछन् । आधुनिक डिजिटल भुक्तानी पूर्वाधार; जस्तै होस्ट–टु–होस्ट भुक्तानी इन्टेग्रेशनले कर्पोरेट भुक्तानीको साथ–साथै विभिन्न वित्तीय प्रक्रियालाई पनि सरल बनाउने गरेको छ । कर्मचारी सञ्चय कोषसँगको यो साझेदारी, प्रयोगकर्ताको लागि वित्तीय पहुँच र दक्षता बढाउने फोनपेको लक्ष्यसंग प्रतिबद्ध रहेको भन्दै फोनपेका प्रमुख कार्यकारी अधिकृत दिवस कुमारले बताए ।
डिजिटल भुक्तानी समाधानलाई एकीकृत गरेर, प्रयोगकर्तालाई सुविधा मात्र दिइरहेका छैनौँ हामीले डिजिटल नेपाल बनाउने लक्ष्यमा पनि सक्रिय रूपमा योगदान गरिरहेको कर्मचारी सञ्चय कोषका कार्यवाहक प्रमुख प्रबन्धक दर्शन भट्टराईले बताए । फोनपे सँगको सहकार्य हाम्रो वित्तीय सेवालाई आधुनिकीकरण गर्ने रणनीतिक कदम हो । कर्मचारी सञ्चय कोष अन्तर्गत सापटीमा डिजिटल भुक्तानी सेवा सुचारुले सदस्यको भुक्तानी प्रक्रियालाई सहज र छिटो बनाउनेछ । यस साझेदारीले योगदानकर्तालाई फाइदा पुर्याउने नवीन समाधान अपनाउने प्रतिबद्धतालाई दर्साएको छ ।
फोनपेबारेः
फोनपे, नेपाल राष्ट्र बैंक (नेपाल राष्ट्र बैंक) द्वारा इजाजतपत्र प्राप्त र नियमन गरिएको नेपालको सबैभन्दा ठूलो भुक्तानी प्रणाली सञ्चालक हो । यफ.वान सफ्ट समूहको सहायक कम्पनी, फोनपे एक आईएसओ तथा आईईसी २७००१ ः २०२२ प्रमाणित कम्पनी हो । फोनपेले बैंक तथा वालेटका ग्राहकका साथै व्यवसायलाई छिटो, सुरक्षित र भरपर्दो डिजिटल नगदरहित भुक्तानी सेवा दिदै नगदरहित अर्थतन्त्रमा योगदान पुर्याउन सक्रिय प्रयासहरु गर्दै आएको छ । फोनपे, भुक्तानी प्रणालीको पहुँचलाई फराकिलो बनाउन सञ्चालनमा थप दक्षता हासिल गर्दै प्रविधिको प्रयोग मार्फत मोबाइल भुक्तानी नेटवर्कमा नयाँ आविष्कार ल्याउनमा केन्द्रित छ ।
कर्मचारी सञ्चय कोषबारेः
अहिलेको समयमा, कर्मचारी सञ्चय कोषले उत्कृष्ट सामाजिक सुरक्षा सेवा दिन प्रतिबद्धता देखाएको छ । डिजिटल प्रविधिलाई अपनाएर, हामीले हाम्रो सेवालाई छिटो, पहुँचयोग्य र सदस्यको खुशीको लागि सुधार गरेका छौं । हाम्रो अनलाइन प्लेटफर्मले सदस्यलाई लाभ आवेदनदेखि वास्तविक समय भुक्तानीसम्मका सेवा सजिलै पहुँच गर्न मद्दत गर्छ । आधुनिक प्रविधिको प्रयोगले, हामी प्रतीक्षा समय घटाउँदै र प्रक्रिया सजिलो बनाउँदैछौं, जसले गर्दा सदस्यले छिटो र सजिलै सहायता पाउँछन् । कर्मचारी सञ्चय कोषमा, हामी हाम्रो सदस्य र समुदायलाई राम्रो सेवा दिन निरन्तर डिजिटल समाधानहरू सुधार गर्दैछौँ ।
Comments are closed.