काठमाडौं । होण्डा डिओ १२५ स्कुटरले ५३०० मिटरको उचाइमा यात्रा गरेर ऐतिहासिक किर्तिमानी कायम गरेको छ ।
नेपाल एट्ठ वन्डर टोलीले स्याकार ट्रेडिङ कम्पनी प्रालिको सहकार्यमा होण्डा डिओ १२५ स्कुटरमार्फत उपल्लो डोल्पा (ज्याङला पास) मा साहसिक यात्रा गरेर नयाँ इतिहास बनाउन सफल भएको छ ।
शहरी यात्राका लागि निर्मित स्कुटरले हिमाली भूपरिधिमा प्रवेश गरेर देखाएको प्रदर्शनीले नेपाली मोटर यात्राको सीमालाई नै पुनः परिभाषित गरिदिएको कम्पनीले जनाएको छ । काठमाडौंदेखि डोल्पासम्मको यात्रा, जोमसोम, भेरोल, धो तराप हुँदै ज्याङला पाससम्म पुग्न यात्रा सहज थिएन ।
यात्रामा लगातार उकालो, ढुंगे बाटो, खोला र बगर पार गर्दै अक्सिजनको न्युनता झेल्दै होण्डा डिओ १२५ ले कुनै ठुला यान्त्रिक समस्या बिना यो यात्रा सम्पन्न गरेको कम्पनीले जनाएको छ । यस असाधारण सफलता, स्कुटरमा समावेश १२३.९२ सीसी बीएस सिक्स इन्जिन, ईन्ह्यान्स्ड स्मार्ट पावर (ईएसपी), साइलेन्ट स्टार्ट विथ एसीजी, आईडेलिंग प्रणाली, कम्बाइन्ड ब्रेकिंग सिस्टम (सीबीएस) लगायतका अत्याधुनिक प्रविधिको परिणाम भएको कम्पनीको भनाइ छ ।
साथै टेलिस्कोपिक फ्रन्ट सस्पेन्सन, थ्री–स्टेप एड्जस्टेबल रियर सस्पेन्सन, डिजिटल मिटर, युएसबी चार्जिङ पोर्ट र ठुलो बुट स्पेस जस्ता फिचरले लामो र चुनौतीपूर्ण यो यात्रालाई सहज बनाएको नेपाल एट्ठ वन्डरले जनाएको छ । यो यात्रा स्कुटरको क्षमता परीक्षण मात्र नभइकन एक प्रेरणादायी सन्देश रहेको नेपाल एट्थ वन्डर टोलीको भनाइ छ ।
यो यात्रा नेपाली मोटरिङ इतिहासकै एक प्रेरक अध्याय बन्न पुगेको छ । होण्डा डिओ १२५सिटी स्कुटर नभएर गन्तव्य भन्दा पर पुग्न तयार ‘मिशन कम्प्लीट’ सवारी प्रमाणित भएको छ । स्याकार ट्रेडिङ कम्पनी प्रालि विगत ५७ वर्षदेखि जापानको होण्डा मोटर कम्पनीको नेपालका लागि आधिकारिक वितरक हो ।
स्याकार ट्रेडिङ कम्पनी प्रालिले यो सफलतालाई नेपाली भूगोल, साहसिकता र होण्डाको विश्वस्त इन्जिनियरिङको सम्मिश्रणका रूपमा लिएको छ । कम्पनीले भविष्यमा पनि नेपाली सडक, मौसम र यात्राको आवश्यकता अनुसार उच्च गुणस्तरीय सवारी साधन निरन्तर रुपमा उपलब्ध गराउदै जाने प्रतिबद्धता जनाएको छ ।
Comments are closed.